అక్కడ ‘టెంపర్’ చూపించేది ఎవరు!!!

యంగ్ టైగర్ ఎన్టీఆర్ అనేక పరాజయాల తరువాత పూరీ జగన్నాధ్ సంధించిన ‘టెంపర్’ బాణంతో తన అభిమానులను కాలర్ ఎగరేసుకునేలా చేశాడు. నెగటివ్ షేడ్స్ ఉన్న పోలీసు పాత్రలో ఎన్టీఆర్ యాక్షన్ ఆదరగొట్టేశాడు. ఇంకా చెప్పాలంటే ఎన్టీఆర్ పోలీసు పాత్రలో విశ్వరూపం చూపించాడు. ఈ సినిమాలో క్లైమ్యాక్స్ సీన్ అయితే పీక్స్ అనే చెప్పాలి.

ఇదిలా ఉంటే ఈ సినిమాపై కన్నేశారు వివిధ చిత్ర పరిశ్రమల హీరోలు. తాజాగా వినిపిస్తున్న సమాచారం ప్రకారం…తమిళంలో ఈ చిత్రం రైట్స్ కోసం అనేక మంది నిర్మాతలు ఎగబడగా…ఓ ప్రముఖ నిర్మాత ఈ టెంపర్ రీమేక్ రైట్స్ ను భారీ మొత్తానికి చేజిక్కించుకున్నాడు. ఇక ఈ సినిమాలో హీరోగా ఎవరు చేస్తారు అనే మ్యాటర్ వచ్చే సరికి అనేక మంది పేర్లు తెరపైకి వస్తున్నాయి. అందులో ముందుగా….ఈ సినిమాని అక్కడ సూపర్ స్టార్ శింబుతో తీయాలని డిసైడైయ్యారు. అదే క్రమంలో శింబు కూడా అందుకు ఒప్పుకున్నాడని ప్రచారం సాగింది కానీ ఏమైందో తెలియదు…

శింబుని కాదని ఇంతలోనే విశాల్ పేరు తెరపైకొచ్చింది. ఇక విశాల్ ఈ సినిమా ఎంతవరకూ చేస్తాడో అన్న సంగతి ఇంకా డిసైడ్ కాలేదు కానీ…తమిళ తంబీలు చెబుతున్న వివరాల ప్రకారం…ఈ సినిమాని విశాల్ కాకుండా శింబు చేసుంటేనే బాగుండేదని తెలుస్తుంది. మరి విశాల్ ఏమో ఈ సినిమాని తాను చెయ్యాలి అని బలంగా డిసైడ్ అయినట్లు తన సన్నిహితుల వద్ద వాపోతున్నాడని తమిళ సినీ సర్కిల్స్ నుంచి వస్తున్న వాదన….ఏది ఏమైనా..ఈ సినిమా ఎవరు చేసినా…ఎన్టీఆర్ ను మాత్రం బీట్ చెయ్యలేరు అని యంగ్ టైగర్ ఫ్యాన్స్ చెబుతున్నారు.