‘డాన్స్ ఐకాన్’ : ‘ఆహా’ వారి కోసం ఓంకార్ డాన్స్ షో..!

June 22, 2022 / 01:42 PM ISTByFilmy Focus

Join Us

‘డాన్స్ ఐకాన్’ : ‘ఆహా’ వారి కోసం ఓంకార్ డాన్స్ షో..!

‘ఆహా’.. ప్రారంభించిన రెండేళ్లలోనే లీడింగ్ ఓటీటీ సంస్థగా అగ్ర పీఠాన్ని అధిష్టించిన సంగతి తెలిసిందే. ప్రేక్షకులకు ఎంటర్టైన్మెంట్ ఇవ్వడంలో విభిన్న పద్ధతులు ఫాలో అవుతుంది ఈ సంస్థ.పలు సినిమాలను, వెబ్ సిరీస్ లను నేరుగా విడుదల చేస్తూ… వీకెండ్ మొత్తం ఎంటర్టైన్ చేస్తున్న ‘ఆహా’.. ‘అన్ స్టాపబుల్’ టాక్ షోతో ఇండియా వైడ్ టాప్ రేటింగ్ ను సంపాదించుకుని టాప్ ప్లేస్ లో నిలిచింది. తర్వాత ‘ఇండియన్ ఐడల్ తెలుగు’ ని తెలుగు ప్రేక్షకులకు అందించి తమ ప్రత్యేకతని చాటుకుంది.

ఈ షోకి మెగాస్టార్, బాలకృష్ణ వంటి స్టార్లని తీసుకొచ్చి చేసిన సందడి అంతా ఇంతా కాదు. ఈ షో మహా మహా స్టార్లనే ఇంప్రెస్ చేసింది అంటే ఏ స్థాయిలో సక్సెస్ అయ్యిందో అర్థం చేసుకోవచ్చు. ఇక మాట.. పాట అయిపోయింది ఇప్పుడు ఆటకి రంగం సిద్ధమైంది. అవును త్వరలోనే ‘ఆహా’ లో ఓ డాన్స్ షో ప్రారంభం కానుంది. ఆ విషయాన్ని ఈరోజు ఓ ఈవెంట్ పెట్టి మరీ అధికారికంగా ప్రకటించింది ‘ఆహా’ డాన్స్ షో..

రియాలిటీ షో అనగానే మనకు టక్కున గుర్తొచ్చే వ్యక్తి ఓంకార్. ఆయన హోస్ట్ గా, డైరెక్టర్ గా ఎన్నో డ్యాన్స్ షోలు ప్రారంభమయ్యి సక్సెస్ సాధించాయి. ఇప్పుడు ‘ఆహా’ కోసం ‘డాన్స్ ఐకాన్’ అనే షోని కూడా ఆయన హోస్ట్ చేస్తూ డైరెక్ట్ చేయబోతున్నారు. తన సక్సెస్ ఫుల్ జర్నీలో అల్లు అరవింద్ గారి ఆశీర్వాదం ఎంతో ఉందని ఈ సందర్భంగా ఓంకార్ చెప్పుకొచ్చారు. అలాగే ఈ షో కాన్సెప్ట్ తనకు చెప్పగానే ‘సందేహమే లేదు నువ్వు సూపర్ సక్సెస్ చేస్తావు ఈ షోని’ అంటూ అల్లు అరవింద్ గారు చెప్పుకొచ్చారు.

ఇక ఈ షో లో విజేతగా నిలిచే కంటెస్టెంట్ కు ట్రోఫీ తో పాటు క్యాష్ ప్రైజ్ ఉంటుంది. అలాగే ఆ కంటెస్టెంట్ ను విజేతగా నిలబెట్టిన కొరియోగ్రాఫర్ కు.. టాలీవుడ్లో ఓ టాప్ హీరోకి కొరియోగ్రఫీ చేసే అవకాశం కూడా ఉంటుంది అని ఓంకార్ తెలిపారు. అది ఏ హీరోకి అనే విషయాన్ని అల్లు అరవింద్ గారు ఫినాలే ఎపిసోడ్ లో ప్రకటిస్తారు అంటూ ఓంకార్ అందరిలోనూ ఆసక్తి పెంచారు.