పూజా హెగ్డేతో ఒకసారి పని చేసిన వాళ్లు… మళ్లీ మళ్లీ పని చేయాలని కోరుకుంటూ ఉంటారా? ఏమో రీసెంట్‌గా ఆమె చేస్తున్న, ఒప్పుకున్న సినిమాలు చూస్తుంటే అదే అనిపిస్తోంది. స్టార్‌ హీరోలు, స్టార్‌ డైరక్టర్లు ఇలా అందరూ ఈ ‘కాళ్ల’ సుందరితో వర్క్‌ చేయడానికి సిద్ధమవుతున్నారు. ఆమె కూడా ఎవరికీ కాదనకుండా డేట్స్‌ అడ్జస్ట్‌ చేసేస్తూ ఉంది. తాజాగా ఇలా మరో హీరో సినిమాకు ఓకే చెప్పిందా… అవుననే అంటున్నాయి టాలీవుడ్‌ వర్గాలు.
తెలుగు సినిమా వర్గాల్లో వినిపిస్తోన్న సమాచారం ప్రకారం చూస్తే… మరోసారి టాలీవుడ్‌లో ‘డీజే’ మోగబోతోందట. అదేనండి ‘డీజే’ పెయిన్‌ అల్లు అర్జున్‌ – పూజా హెగ్డే మరోసారి కలసి నటించబోతున్నారట. వరుస సినిమాలతో బిజీగా ఉన్న పూజ… తన డైరీలో ‘ఐకాన్‌’ పేరును కూడా యాడ్‌ చేసేసిందట. వేణు శ్రీరామ్‌ డైరక్షన్‌ త్వరలో మొదలవనున్న ఈ సినిమాలో ఐకాన్‌ స్టార్‌ అల్లు అర్జున్‌ సరసన పూజ నటిస్తోందని సమాచారం.
అల్లు అర్జున్‌ ప్రస్తుతం ‘పుష్ప’ పనుల్లో బిజీగా ఉన్నారు. ఈ సినిమా తొలిపార్టు విడుదలయ్యాక ‘ఐకాన్‌’ పనులు మొదలవుతాయని చాలా రోజుల నుండి వార్తలొస్తున్నాయి. దానికి తగ్గట్టుగానే వేణు శ్రీరామ్‌ సినిమా పనులు వేగవంతం చేస్తున్నాడట. ఈ క్రమంలో కాస్టింగ్‌ సెలక్షన్‌ మొదలుపెట్టారట. అలా పూజా హెగ్డే పేరును ఓకే చేశారంటున్నారు. త్వరలో దీనిపై క్లారిటీ వస్తుంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
