అగ్ర నిర్మాత బెల్లంకొండ సురేష్ పెద్ద కొడుకుగా తెరంగేట్రం చేసాడు బెల్లంకొండ సాయి శ్రీనివాస్. మాస్ డైరెక్టర్ వి.వి.వినాయక్ తెరకెక్కించిన ‘అల్లుడు శీను’ చిత్రంతో హీరోగా మంచి కమర్షియల్ హిట్ అందుకున్నాడు. కానీ నటుడుగా మెప్పించడానికి కాస్త ఎక్కువ టైమే పట్టింది. ఎట్టకేలకు ‘రాక్షసుడు’ చిత్రంతో ఫైనెస్ట్ పెర్ఫార్మర్ అనిపించుకున్నాడు. అప్పటి వరకూ పెద్ద డైరెక్టర్లతో పనిచేస్తూ వచ్చిన శ్రీనివాస్ ఓ ప్లాప్ డైరెక్టర్ ను సెలెక్ట్ చేసుకుని మరీ హిట్ అందుకోవడంతో అతని పై నిర్మాతలకు నమ్మకం ఏర్పడింది.
బెల్లంకొండ ఇప్పుడు సంతోష్ శ్రీనివాస్ డైరెక్షన్లో ‘అల్లుడు అదుర్స్’ అనే చిత్రం చేస్తున్నాడు. సంతోష్ శ్రీనివాస్ కూడా ప్లాప్ డైరెక్టరే..! అతని గత చిత్రాలు ‘రభస’ ‘హైపర్’ ప్లాప్ అయ్యాయి. ఇదే రిస్క్ అనుకుంటే.. ఇప్పుడు మరో ప్లాప్ డైరెక్టర్ కు ఓకే చెప్పాడు బెల్లంకొండ. అతను మరెవరో కాదు గతేడాది ‘రణరంగం’ చిత్రంతో నిరాశపరిచిన సుధీర్ వర్మ. ఇప్పటి వరకూ అతనికి ఎవ్వరూ ఛాన్స్ ఇవ్వకపోవడం వల్ల ఖాళీగా ఉంటూ వచ్చాడు.
ఇప్పుడు తన కొత్త చిత్రాన్ని ప్రారంభించడానికి రెడీ అయ్యాడు. ఇందులో భాగంగా ఓ ఇంటెలిజెంట్ థ్రిల్లర్ కాన్సెప్ట్ తో బెల్లంకొండ ను కలిసి ఓకే చేయించుకున్నాడు. అయితే ఇది అతని సొంత కథ కాదట. శ్రీకాంత్ అనే రైటర్ నుండీ ఆ కథని తీసుకున్నట్టు తెలుస్తుంది. పోనిలే ఇప్పటికైనా హిట్టు కొడితే మంచిదే మరి. ఈ అవకాశాన్ని బలంగా వాడుకోవడం సుధీర్ వర్మకు చాలా ముఖ్యం.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
Home