‘మోస్ట్ ఎలిజిబుల్ బ్యాచిలర్’ చిత్రంతో మొదటి కమర్షియల్ సక్సెస్ ను అందుకున్నాడు అఖిల్ అక్కినేని. ఈ చిత్రంలో అఖిల్ నటన కూడా ప్రేక్షకులను ఆకట్టుకుంది. ఈ చిత్రానికి ముందు అఖిల్ నటించిన ‘అఖిల్’ ‘హలో’ ‘మిస్టర్ మజ్ను’ వంటి చిత్రాలు పర్వాలేదు అనిపించాయి కానీ.. కమర్షియల్ గా ఆ సినిమాలు సక్సెస్ కాలేదు. అఖిల్ కు ఆ విషయంలో మొదటి సక్సెస్ అందించిన దర్శకుడు బొమ్మరిల్లు భాస్కర్ అనే చెప్పాలి.
‘జి ఏ2 పిక్చర్స్’ బ్యానర్ పై బన్నీ వాస్ ఈ చిత్రాన్ని నిర్మించగా.. అల్లు అరవింద్ సమర్పకులు గా వ్యవహరించారు. ఇదిలా ఉండగా.. ఇప్పుడు మరోసారి అఖిల్- బొమ్మరిల్లు భాస్కర్ కాంబినేషన్ రిపీట్ కానుందని వినికిడి. ఇటీవల బొమ్మరిల్లు భాస్కర్.. అఖిల్ కు ఓ కథ వినిపించాడట. అది అతనికి బాగా నచ్చింది. ఆల్రెడీ ఓ హిట్ ఇచ్చిన దర్శకుడు కావడంతో వెంటనే ఓకే చెప్పేశాడు అఖిల్. త్వరలోనే ఈ చిత్రానికి సంబంధించిన అధికారిక ప్రకటన రానుంది.
ఏషియన్ సినిమాస్ బ్యానర్ వారు ఈ చిత్రాన్ని నిర్మించే అవకాశాలు ఉన్నాయి. దీంతో పాటు అఖిల్ మరో చిత్రానికి కూడా గ్రీన్ సిగ్నల్ ఇచ్చాడు. మెగాస్టార్ చిరంజీవితో ‘గాడ్ ఫాదర్’ వంటి చిత్రాన్ని తెరకెక్కిస్తున్న మోహన్ రాజా.. అఖిల్ కు ఓ కథ వినిపించాడట. అది కూడా అఖిల్ కు నచ్చడం ఓకే చెప్పడం జరిగింది అని వినికిడి. అది ఒక సస్పెన్స్ థ్రిల్లర్ గా తెరకెక్కనుందని తెలుస్తోంది.
ప్రస్తుతం సురేందర్ రెడ్డి దర్శకత్వంలో ఓ చిత్రాన్ని చేస్తున్నాడు అఖిల్. అనిల్ సుంకర నిర్మిస్తున్న ఈ చిత్రం ‘ఏజెంట్’ టైటిల్ తో తెరకెక్కుతుంది. మలయాళం స్టార్ హీరో మమ్ముట్టి కూడా ఈ చిత్రంలో ఓ కీలక పాత్ర పోషిస్తున్నారు.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
