Boyapati Srinu, Allu Arjun: అటు తిరిగి ఇటు తిరిగి ‘సరైనోడు’ దగ్గరకు వచ్చారా?

బోయపాటి శ్రీనివాస్‌కు ఒక్క సినిమా డిజాస్టర్ అయితే ఆ తర్వాత వెంటనే సినిమా ఛాన్స్‌ ఇచ్చేది ఎవరు అంటే మనకు ఠక్కున గుర్తొచ్చే పేర్లు ఒకటి బాలకృష్ణ… రెండు అల్లు అర్జున్‌. గతంలో ఇదే జరగ్గా ఇప్పుడు కూడా అదే సీన్‌ రిపీట్‌ అవుతుంది అంటున్నారు. రామ్‌తో ‘స్కంద’ తీసిన చేతులు కాల్చుకున్న బోయపాటి ఇప్పుడు తన తర్వాతి ప్రాజెక్ట్‌ను ఫైనల్‌ చేసుకునే పనిలో ఉన్నారట. ఈ విషయంలో చాలామంది హీరోల పేర్లు వినిపిస్తున్నా… ఫైనల్‌గా ‘సరైనోడు’ దగ్గరకు వచ్చారట.

బోయపాటి శ్రీను సినిమాలు రెండు రకములు. ఒకటి బ్లాక్‌బస్టర్‌, రెండోది డిజాస్టర్‌. ఇప్పటివరకు ఆయన దర్శకత్వం వహించిన సినిమాల లిస్ట్‌ చూస్తే ఎవరైనా ఈ మాటే అంటారు. రీసెంట్‌ సినిమా ‘స్కంద’ తేడా కొట్టింది. దీంతో నెక్స్ట్‌ కథ భారీగా ఉండాలి, భారీ విజయం సాధించాలి, భారీ వసూళ్లు అందుకోవాలి అని అనుకుంటున్నారట. ఈ క్రమంలో చాలా మంది హీరోలతో ప్రాజెక్ట్‌ చర్చలు జరిగినా ఫైనల్‌గా అల్లు అర్జున్‌ దగ్గరకు వచ్చారు అంటున్నారు.

‘స్కంద’ సినిమా తర్వాత బోయపాటి – సూర్య కాంబినేషన్‌లో సినిమా ఉంటుంది అని చెప్పారు. ఈ మేరకు ఓపెనింగ్‌ త్వరలో అని కూడా అన్నారు. అయితే ఆ ప్రాజెక్ట్‌ ఇప్పుడు లేదంటున్నారు. దీంతో మళ్లీ బాలయ్యతోనే సినిమా అని వార్తలొచ్చాయి. అయితే బాలయ్య వేరే ప్రాజెక్టులతో బిజీగా ఉండటం వల్ల అల్లు అర్జున్‌ సినిమా ఫిక్స్‌ అవుతోందట. నిజానికి ‘పుష్ప 2’ తర్వాత బన్నీ – త్రివిక్రమ్‌ సినిమా ఉండాలి. అయితే ఆ కథ సిద్ధమవ్వడానికి చాలా సమయం పడుతుందట.

దీంతో అప్పటివరకు ఆగకుండా ఓ మాస్‌ కమర్షియల్‌ సినిమా చేద్దామని (Allu Arjun) బన్నీ అనుకున్నాడట. దానికి బోయపాటి అయితే సరైన స్క్రిప్ట్‌ సిద్ధం చేస్తారని భావించి లైన్‌ ఓకే చేశారట. త్వరలో కథ సిద్ధం చేస్తారు అంటున్నారు. అయితే BB3 (బాలకృష్ణ – బోయపాటి)కి మంచి విజయం దక్కింది. మరి ఇప్పుడు BB2 (బోయపాటి – బన్ని) ఏమవుతుందో చూడాలి.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!