ఓ సినిమా చూడకపోతే అంత పాపమా? చూడకపోయిన వాళ్లను నానా మాటలు అనాల్సిందేనా? ఏంటీ.. రష్మిక మందన గురించి మాట్లాడుతున్నాం అనుకుంటున్నారా? అవును ఆమె గురించే అడుగుతున్నాం. అయితే ఇక్కడ విషయం ఆమె కాదు, సినిమాను చూడకపోతే పాపం అనుకునేవాళ్లు. మొన్నామధ్య ఓ హిట్ సినిమా చూడలేదు అన్నందుకు రష్మికను ఆడిపోసుకున్నారు కొంతమంది. మరిప్పుడు వాళ్లంతా ఎక్కడికిపోయారు. ఎందుకంటే మరో కన్నడ నటుడు ఓ భారీ హిట్ సినిమాను చూడలేదట.
గత కొన్ని రోజులుగా వార్తల్లో నిలుస్తోన్న కన్నడ నటుడు కిశోర్‌ కుమార్‌. సౌత్‌లో చాలా భాషల్లో నటించిన విలక్షణ నటుడు కిషోర్‌ కుమార్‌. ఇటీవల ‘కాంతార’ సినిమాలో మంచి నటనతో ఆకట్టుకున్నాడు. ఇటీవల తన ట్విటర్‌ అకౌంట్‌ విషయంలో వైరల్‌గా మారాడు. ఆయన ఇటీవల మాట్లాడుతూ ‘కేజీయఫ్ 2’ సినిమాపై సంచలన వ్యాఖ్యలు చేశారు. ఓ మీడియాకు ఇచ్చిన ఇంటర్వ్యూలో ‘కేజీయఫ్ 2’ సినిమా చూడలేదని చెప్పారు. ప్రస్తుతం ఆయన వ్యాఖ్యలు వైరల్‌ అవుతున్నాయి. అయితే ఇక్కడే మరో విషయాన్ని కూడా నెటిజన్లు ప్రస్తావిస్తున్నారు.
‘‘సమస్యల గురించి తెలిపే చిన్న సినిమా అయినా చూస్తా కానీ, వినోదాన్ని పెద్ద సినిమాలు చూడడం ఇష్టం ఉండదు. నేను ఇప్పటి వరకు ‘కేజీయఫ్ 2’ సినిమా చూడలేదు. అయినా అది నా తరహా సినిమా కాదు. ఇది నా వ్యక్తిగత అభిప్రాయం మాత్రమే’’ అని చెప్పారు. ఆయన చెప్పింది కూడా నిజమే.. ఎవరు ఏ సినిమా చూడాలి, ఎలాంటి సినిమా చూడాలి, ఎప్పుడు చూడాలి అనేది వారి ఇష్టం. అయితే రష్మిక మందన విషయంలోనూ ఇలానే ఆలోచించాలి కదా అనే కామెంట్స్‌ ఇప్పుడు వినిపిస్తున్నాయి.
మొన్నీమధ్య ఆమె మాట్లాడుతూ ‘కాంతార’ సినిమా చూడలేదు అని చెప్పింది. దీంతో ఆమె ఏమన్నా విరుచుకుపడదాం అని సిద్ధంగా ఉండే నెటిజన్లు ‘శాండిల్‌వుడ్‌కి మంచి పేరు తెచ్చిన సినిమా చూడలేదా? నిన్ను బ్యాన్‌ చేసేయాలి’ అంటూ గావుకేకలు మొదలెట్టారు. మరిప్పుడు కిశోర్‌ కుమార్‌ను కూడా ఇలానే విమర్శిస్తారా? జస్ట్‌ ఆస్కింగ్ అంతే.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
