అల్లు అర్జున్ చెప్పిన చిన్నమాట అతని పాలిట పగపట్టిన పాములా తయారైంది. సరైనోడు చిత్రం రిలీజ్ సమయంలో పవన్ కళ్యాణ్ గురించి “చెప్పను బ్రదర్” అని బన్నీ అనడాన్ని పవన్ ఫ్యాన్స్ జీర్ణించుకులేకపోతున్నారు. అతనికి వ్యతిరేకంగా సోషల్ మీడియాలో పోస్టులు చేస్తున్న పవన్ వీరాభిమానులు.. కొన్ని రోజుల క్రితం విడుదలైన అల్లు అర్జున్ దువ్వాడ జగన్నాథం టీజర్ పై ప్రతాపం చూపించారు. హరీష్ శంకర్ దర్శకత్వంలో తెరకెక్కిన మూవీ టీజర్ ని ఇప్పటివరకు 14,392,037 మంది వీక్షించారు. ఈ వీడియో బాగున్నప్పటికీ అల్లు అర్జున్ మీద కోపంతో 175,495 మంది డిస్లైక్ చేశారు.
ఒక టీజర్ కి ఇన్ని డిస్ లైక్ లు రావడంతో తెలుగు చిత్రపరిశ్రమలో ఇదే తొలిసారి. ఆ చెడ్డ క్రెడిట్ ని బన్నీకి గిఫ్ట్ గా ఇచ్చిన పవన్ ఫ్యాన్స్ ఇప్పుడు మరోసారి చమటలు పట్టించారు. డీజే ఆడియో రిలీజ్ గురించి వెల్లడిస్తామంటూ ఒక సాంగ్ బిట్ టీజర్ ని డీజే టీమ్ రిలీజ్ చేసింది. దీనికి రెండు రోజుల్లో 7 లక్షల వ్యూస్ రాగా 15 వేల డిస్లైక్ చేశారు. ఇలా బన్నీని వదలడం లేదు. ఇప్పటికైనా అల్లు అర్జున్ పవన్ అభిమానుల కోపాన్ని తగ్గించడానికి స్వారీ చెబుతారేమో చూడాలి.
Also, do SUBSCRIBE to our YouTube channel to get latest Tollywood updates.
