స్టార్ డైరెక్టర్ హరీష్ శంకర్ అలాగే బండ్ల గణేష్ కాంబినేషన్లో వచ్చిన ‘గబ్బర్ సింగ్’ చిత్రం ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు. 10 ఏళ్ళ పాటు సరైన హిట్టు లేని పవన్ కళ్యాణ్ కు.. అతని అభిమానులకు.. ఫుల్ మీల్స్ పెట్టిన చిత్రమిది. ఈ చిత్రం ఈ ఏడాది.. మే 11 నాటికి 8ఏళ్ళు పూర్తి చేసుకుంది. ఆ టైములో దర్శకుడు హరీష్ శంకర్.. అలాగే నిర్మాత బండ్ల గణేష్ కు మాటల యుద్ధం జరిగింది.
అయితే తరువాత బండ్ల గణేష్.. కరోనాకు గురైన టైములో హరీష్.. ‘నువ్వు త్వరగా కోలుకోవాలి’ అంటూ బండ్ల గురించి ట్వీట్ వేసాడు.దాంతో ‘ఇక మీదట ఎవ్వరి పైనా నెగిటివ్ కామెంట్స్ చెయ్యను’ అని బండ్ల గణేష్ కూడా ఓ సందర్భంలో చెప్పుకొచ్చాడు. తాజాగా బండ్ల గణేష్.. హరీష్ శంకర్ ను పొగిడేస్తూ ట్వీట్ వెయ్యడం ఇప్పుడు చర్చనీయాంశం అయ్యింది. ‘హరీష్ శంకర్ టాలీవుడ్లో ఉత్తమ దర్శకుడు. నేను త‌ప్పు మాట్లాడి ఉంటే ప‌ట్టించుకోవద్దు.
నీతో ఎన్నెన్నో బ్లాక్‌బ‌స్ట‌ర్ సినిమాలు చెయ్యాలని ఉంది’ అంటూ ట్వీట్ చేసాడు. దీనికి హరీష్ బదులిస్తూ.. ‘అంత మాట అనకు.నాకు నువ్వు పెద్ద‌న్న‌య్య లాంటోడివి. సినిమా మ‌నంద‌రికంటే పెద్ద‌ది. సినిమాలు తియ్యడం ద్వారానే మ‌నం ఉన్న‌త జీవితాన్ని సాగించాలి’ అంటూ చెప్పుకొచ్చాడు. అంతేకాదు ‘బ్లాక్‌బ‌స్ట‌ర్ ప్రొడ్యూసర్’ అనే కామెంట్ కూడా పెట్టాడు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
