ఏమనుకొని ‘గుడ్‌ లక్‌ సఖి’ సినిమాలో ‘బ్యాడ్‌లక్‌ సఖి’ అని పేరు పెట్టారో కానీ… ఆ సినిమా విడుదల విషయంలో ఇంకా బ్యాడ్ లక్‌ కొనసాగుతూనే ఉంది. కరోనా ఫస్ట్‌ వేవ్‌ సమయంలోనే సినిమా విడుదలకు సిద్ధమైపోయింది. అప్పటి నుండి వరుసగా సినిమా విడుదలకు ప్రయత్నాలు జరుగుతూనే ఉన్నాయి. చిత్రబృందం రిలీజ్ డేట్‌ అనౌన్స్‌ చేయడం, తర్వాత వాయిదా వేయడం అనవాయితీగా మారిపోయింది. తాజాగా మరోసారి అదే పరిస్థితి నెలకొంది. మరోసారి సినిమా వాయిదా పడినట్లు సమాచారం.
కీర్తి సురేశ్‌ ప్రధాన పాత్రలో నటించిన చిత్రం ‘గుడ్‌ లక్‌ సఖి’. ఆది పినిశెట్టి, జగపతి బాబు ఇతర కీలక పాత్రధారులు. ఈ సినిమాను డిసెంబరు 31న విడుదల చేస్తున్నట్లు చిత్రబృందం కొన్ని రోజుల క్రితం ప్రకటించింది. ఒకటి, రెండు ప్రచార కార్యక్రమాలు జరిగాయి. అయితే రిలీజ్‌కి ఇంకా రెండు రోజులే ఉంది. ఇప్పుడు చిత్రబృందం నుండి ఎలాంటి ప్రచారమూ లేదు. దీంతో సినిమా ఈసారి కూడా వాయిదానే అని అంటున్నాయి ట్రేడ్‌ వర్గాలు.
ఇప్పుడు కానీ సినిమా రిలీజ్ చేయకపోతే మళ్లీ ఫిబ్రవరిలోనే డేట్స్‌ అందుబాటులో ఉంటాయి. అప్పుడు చేస్తారేమో చూడాలి. నగేశ్‌ కుకునూరు దర్శకత్వం వహించిన ఈ సినిమాకు సరైన బజ్‌ లేదనే మాట వాస్తవం. చాలా రోజుల నుండి సినిమాను ఫాలో అవుతున్న జనాలకు ఈ విషయం తెలుసు. దిల్ రాజు ఈ సినిమాను విడుదల చేస్తున్నారని తెలిసినా బజ్‌ అలానే ఉంది. 2019లో సినిమా అనౌన్స్‌ అయినప్పుడు ఉన్నంత జోష్‌ ఇప్పుడు లేదు.
మరోవైపు ఓటీటీలో కూడా సినిమాకు సరైన ధర పలకడం లదు అని అంటున్నారు. ఇప్పుడు సినిమా విడుదల మళ్లీ ఆగింది అంటే ఓటీటీ కూడా కష్టమే అని చెప్పొచ్చు. దీంతో స్టార్ హీరోయిన్‌గా ఇప్పుడిప్పుడే జోరు అందుకుంటున్న కీర్తి సురేశ్‌ సినిమాకు ఈ పరిస్థితి ఏంటి అని నెటిజన్లు అనుకుంటున్నారు. తొలుత కరోనా దెబ్బ తీసినా… ఆ తర్వాత పరిస్థితులు దెబ్బ కొట్టాయని చెప్పొచ్చు. ఈ సినిమాలో కీర్తికి గుడ్‌ లఖ్‌ క్లైమాక్స్‌లో వస్తుంది. మరి సినిమా విడుదలకు క్లైమాక్స్‌ ఎప్పుడొస్తుందో.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home