కాస్త సమయం దొరికితే చాలు కుటుంబ సభ్యులతో గడపడానికి మహేష్ బాబు ఆసక్తి కనబరుస్తుంటారు. ఒక భర్తగా, తండ్రిగా తన బాధ్యతలను నెరవేరుస్తుంటారు. స్పైడర్ మూవీ తర్వాత ఫలితాన్ని పక్కన పెట్టి పిల్లలతో కలిసి హాలీవుడ్ స్టూడియోస్, యూరప్ లోని పార్క్ లను చుట్టి వచ్చారు. ప్రస్తుతం కొరటాల శివ దర్శకత్వంలో “భరత్ అనే నేను” సినిమా చేస్తున్నారు. ఈ సినిమా షూటింగ్ వేగంగా సాగుతోంది. కొత్త షెడ్యూల్ తమిళనాడులోని కారైకుడిలో జరుగుతోంది. ఈ షెడ్యూల్ మరో రెండు రోజుల్లో కంప్లీట్ కానుంది. దీని తర్వాత మళ్ళీ విమానం ఎక్కనున్నారు.
విదేశాల్లో ఫ్యామిలీతో కలిసి క్రిస్మస్, న్యూ ఇయర్ సెలబ్రేషన్స్ ని జరుపుకోవాలని భావిస్తున్నారు. గతేడాది కూడా విదేశాల్లోనే సెలబ్రేట్ చేసుకున్న మహేష్.. ఇప్పుడు కూడా అక్కడే సెలబ్రేట్ చేసుకోనున్నారు. తిరిగి వచ్చి భరత్ అనే నేను షూటింగ్ లో పాల్గొననున్నారు. ప్రముఖ నిర్మాత డివివి దానయ్య నిర్మిస్తున్న ఈ సినిమాలో బాలీవుడ్ బ్యూటీ కైరా అద్వానీ హీరోయిన్ గా నటిస్తోంది. మహేష్ తొలిసారి ముఖ్యమంత్రిగా కనిపించనున్న ఇందులో పోసాని కృష్ణమురళి తనదైన శైలిలో పంచ్ లు వేయనున్నారు. శ్రీమంతుడు కాంబినేషన్లో రూపుదిద్దుకుంటున్న ఈ సినిమా ఏప్రిల్ 27 న రిలీజ్ కానుంది.
