వరుసగా పాన్‌ ఇండియా సినిమాలతో బిజీగా ఉన్న ప్రభాస్… మధ్యలో చిన్న సినిమా చేయడానికి సిద్ధమవుతున్నాడు అంటూ ఆ మధ్య ఓ పుకారు మొదలైంది. ఇది నిజమా కాదా అని అనుకుంటుడగానే సినిమా దర్శకుడు ఈయనే… కథానాయికలు వీరే అంటూ మరికొన్ని పుకార్లు యాడ్‌ అయ్యాయి. అయితే ఇవి పుకార్లు కావు, నిజాలే అని ఇన్‌డైరక్ట్‌గా తేలింది. అయితే ఏమైందో ఏమో ఒక్కసారిగా పుకార్లన్నీ ఆగిపోయాయి. దీంతో ఏమైందా అని ఆలోచించుకుంటుండగా మళ్లీ సినిమా ఊసులు వినిపిస్తున్నాయి.
అవును, ప్రభాస్ – మారుతి సినిమా గురించి మరోసారి వార్తలు సోషల్‌ మీడియాలో, సినీ సర్కిల్స్‌లో జోరుగా షికారు చేస్తున్నాయి. మొన్న పుకార్లు ఆగడానికి కారణాలు ఎలా అయితే తెలియలేదో, ఇప్పుడు కొత్తగా మళ్లీ ఊసులు వినిపించడానికి కూడా కారణాలు తెలియవు. అయితే ఈసారి కూడా సినిమా ముహూర్తం తేదీ ఒకటి పుకార్లలో వినిపిస్తుంది. మరి ఈసారి ఏమవుతుందో చూడాలి. మారుతి ద‌ర్శ‌క‌త్వంలో డీవీవీ దానయ్య నిర్మాత‌గా ప్రభాస్ సినిమా ఉంటుంది అంటున్నారు.
దీనికి సంబంధించి అధికారిక ప్ర‌క‌ట‌న ఇంకా వెలువ‌డ‌లేదు కానీ సినిమా ఉంది అనే మాట మాత్రం గట్టిగా వినిపిస్తోంది. ప్రస్తుతం ప్రీ ప్రొడ‌క్ష‌న్ పనులు చ‌క చ‌కా జ‌రుగుతున్నాయ‌ట. మారుతి ఇంట్లో విషాదం నెలకొన్న కారణంగా సినిమాకు బ్రేక్‌ ఇచ్చారు. త్వరలో మళ్లీ స్క్రిప్ట్‌ పనులు స్టార్ట్‌ చేస్తారట. అతి తక్కువ సమయంలో ఈ సినిమాను పూర్తి చేద్దామని చూస్తున్నారట. ప్రస్తుతం ఈ సినిమా కోసం కథ ఓవైపు రెడీ చేస్తుంటే, మరోవైపు భారీ సెట్ కూడా రెడీ చేస్తున్నారట.
సినిమా షూటింగ్‌లో మేజర్‌ పార్ట్‌ని ఇక్కడే పూర్తి చేస్తారట. వీలైనంతవరకు ఔట్‌ డోర్‌ షూటింగ్స్‌ లేకుండా చూస్తున్నారట. ఆగ‌స్ట్ నుండి సినిమా షూటింగ్‌ స్టార్ట్‌ చేయాలని చూస్తున్నారట. సినిమాలో ఓ హీరోయిన్‌గా మాళవికా మోహనన్ ఎంచుకున్నారని సమాచారం. అలాగే రాశీ ఖ‌న్నాతో పాటు మ‌రో హీరోయిన్ కూడా సినిమాలో నటిస్తుందని సమాచారం. త్వరలో క్లారిటీ వస్తుందేమో చూడాలి.
Most Recommended Video
అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!
Home