గతకొంత కాలంగా గాయని చిన్మయి పేరు ఎక్కువగా వినిపిస్తుంది. ‘మీటూ’ ఉద్యమం సమయంలో తమిళ సినీ రంగానికి చెందిన ప్రముఖ రచయిత పై చేసిన ఆరోపణలు ఎంత సంచలనం సృష్టించాయో ప్రత్యేకంగా చెప్పనక్కర్లేదు. ఆ కారణంగా ఆమెకు తమిళంలో అవకాశాలు లేకుండా పోయాయని కూడా ఆరోపించింది. ఈ విషయంలో అందరూ కాస్త చిన్మయి పై జాలి చూపించారు.
అయితే ఈ మథ్య మాత్రం సోషల్ మీడియాలో ఆమెని బూతులు తిడుతూ ట్రోల్స్ చేస్తున్నారు. ‘అర్జున్ రెడ్డి’ ని బాలీవుడ్ లో ‘కభీర్ సింగ్’ పేరుతో రీమేక్ చేసి సంచలన విజయాన్ని నమోదు చేసిన సందీప్ రెడ్డి వంగా.. ఇటీవల చేసిన కొన్ని వ్యాఖ్యలు అభ్యన్తరకరంగా ఉన్నాయని సోషల్ మీడియాలో ట్వీట్ చేసింది. ‘ప్రేమికులు ఒకరినొకరు కొట్టుకుని, తిట్టుకునే స్వాతంత్య్రం లేకపోతే అందులో ప్రేమ లేనట్టే’ అంటూ సందీప్ రెడ్డి చేసిన కామెంట్లు సరికాదని. ‘అర్జున్ రెడ్డి’ లాంటి సినిమాలు సమాజానికి హానికరం అంటూ కామెంట్ చేసింది. ఇక చిన్మయి కామెంట్స్ కు సమంత కూడా మద్దతు పలకడం ఈ విషయం మరింత వైరలవుతుంది. ఇదిలా ఉండగా ఇటీవల ‘మన్మధుడు2’ నుండీ రకుల్ ప్రీత్ సింగ్ టీజర్ ను విడుదల చూశారు చిత్ర యూనిట్ సభ్యులు.
ఈ టీజర్ చూసిన నెటిజన్లు మళ్ళీ చిన్మయిని ట్రోల్ చేయడం మొదలుపెట్టారు. విషయమేమిటంటే ‘మన్మథుడు 2’ టీజర్లో రకుల్ ప్రీత్… మందు, సిగరెట్లు తాగుతూ నాగార్జునను ఏడిపిస్తూ ఉంటుంది. ఇక హాట్ హాట్ డ్రెస్ లతో ‘ఏ’ రేటింగ్ చూపిస్తా అంటూ డైలాగులు కూడా చెప్పింది. ఈ చిత్రం దర్శకుడు చిన్మయి భర్త రాహుల్ కావడంతో.. నెటిజన్లు చిన్మయిని టార్గెట్ చేసారు. ‘అమ్మాయిలు సిగరెట్లు, మందు తాగితే సమాజంలో తప్పు లేదు కానీ.. ‘కబీర్ సింగ్’ లో హీరోయిన్ ను కొడితే తప్పొచ్చేసిందా..! సమాజాన్ని తర్వాత ఉద్ధరిద్దువులే కానీ ముందు నీ ఇల్లు చక్కబెట్టుకో. ‘నీ భర్త చేస్తే తప్పులేదు కానీ.. పక్కవాళ్ళు చేస్తే తప్పా అంటూ ఆమెకి క్లాస్ పీకుతున్నారు. మరి ఈ విషయం పై చిన్మయి ఎలాంటి క్లారిటీ ఇస్తుందో చూడాలి..!
2
3
4
