సుజీత్ తో మరో సినిమా చేయనున్న ప్రభాస్

తాను నమ్మిన, తనను నమ్ముకున్న వ్యక్తులను ప్రభాస్ ఎన్నడూ విడిచిపెట్టడు. “బాహుబలి” లాంటి ఇండియాస్ బిగ్గెస్ట్ హిట్ తర్వాత సుజీత్ కు అవకాశం ఇవ్వడం వెనుక రీజన్ అందరికీ తెలిసిందే. కేవలం తనను నమ్ముకొని “రన్ రాజా రన్” లాంటి సూపర్ హిట్ తర్వాత మరో సినిమా చేయకుండా వెయిట్ చేశాడన్న ఒకే ఒక్క కారణంతో సుజీత్ తో “సాహో” చేశాడు ప్రభాస్. అయితే.. బాలీవుడ్ లో భారీ వసూళ్లు సాధించిన “సాహో” తెలుగు డిస్ట్రిబ్యూటర్స్ కు మాత్రం లాభాలు తెచ్చిపెట్టలేకపోయింది. దాంతో సుజీత్ దర్శకుడిగా ఊహించిన స్థాయి విజయాన్ని అందుకోలేక ఢీలాపడ్డాడు.

ఈ పరిస్థితిని గమనించిన ప్రభాస్ “సాహో” డైరెక్టర్ సుజీత్ కు మరో అవకాశం ఇచ్చాడని తెలుస్తోంది. ప్రస్తుతం రాధాకృష్ణ దర్శకత్వంలో తెరకెక్కనున్న “జాన్” చిత్రం కోసం బాడీ & హెయిర్ స్టైల్ మేకోవర్ లో బిజీ ఉన్న ప్రభాస్ ఆ సినిమాను పూర్తి చేసి.. అనంతరం వేరే సినిమా ఏమీ సైన్ చేయలేదు కాబట్టి.. సుజీత్ కు మరో అవకాశం ఇవ్వాలని ఆలోచిస్తున్నాడట. అన్నీ కుదిరితే.. మళ్ళీ యువీ క్రియేషన్స్ ఈ ప్రొజెక్ట్ ను నిర్మించవచ్చు. మరి సుజీత్ అదృష్టం బాగుండి ఈ ప్రొజెక్ట్ నిజంగా వర్కవుట్ అయితే.. తమిళంలో అట్లీ తరహాలో తెలుగులో మోస్ట్ లక్కీయస్ట్ డైరెక్టర్ గా పేర్కొనవచ్చు.

గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి