Ram Charan, Trivikram: చర్చల్లోకి చరణ్‌ – త్రివిక్రమ్‌ సినిమా గాసిప్‌!

రామ్‌చరణ్‌ – త్రివిక్రమ్‌ కాంబినేషన్‌లో సినిమా ఉంటుంది అని చాలా రోజుల నుండి వినిపిస్తూనే ఉంది. అయితే ఇద్దరూ తమ సినిమాల్లో బిజీ అయిపోవడమో, ఇంకో కారణమో కానీ సినిమా అయితే ఇంకా మెటీరియలైజ్‌ కాలేదు. అయితే తాజాగా మరోసారి ఆ టాక్‌ ఇప్పుడు టాలీవుడ్‌లో వినిపిస్తోంది. చరణ్‌ కోసం త్రివిక్రమ్‌ ఇటీవల ఓ కథ సిద్ధం చేశారని అంటున్నారు. ఇప్పటికే సినిమా పాయింట్‌ను రామ్‌చరణ్‌కు వినిపించారట. ఆయన కూడా ఓకే చేశారని అంటున్నారు.

చాలా రోజుల క్రితం చరణ్‌తో త్రివిక్రమ్‌ సినిమా చేస్తారని అన్నారు. నిర్మాతలుగా చాలామంది పేర్లు వినిపించాయి. పవన్‌ కల్యాణే ప్రొడ్యూస్‌ చేస్తారని కూడా అన్నారు. అయితే ఏమైందో అవేవీ మెటీరియలైజ్‌ కాలేదు. అయితే ఇప్పుడు కొణిదెల ప్రొడక్షన్స్‌, హారిక హాసిని క్రియేషన్స్‌ కలసి ఈ సినిమా చేస్తాయని అంటున్నారు. శంకర్‌ సినిమా తర్వాత చరణ్‌ ఈ సినిమా చేయొచ్చని కూడా వార్తలొస్తున్నాయి. ఈలోపు మహేష్‌ బాబు సినిమాను త్రివిక్రమ్‌ పూర్తి చేస్తారట.

మరోవైపు రామ్‌చరణ్‌ తర్వాత సినిమా విషయంలో క్లారిటీ సరిగ్గా లేదు. శంకర్‌ సినిమా మొదలైతే ఎప్పటికి పూర్తవుతుందో ఎవరికీ తెలియదు. ఈ కరోనా టైమ్‌లో ఏ సినిమా ఎప్పుడు మొదలవుతుందో, ఎప్పుడు ఆగుతుందో చెప్పలేం. కాబట్టి… త్రివిక్రమ్ సినిమా ఓకే అయినా ఎప్పుడు ప్రారంభిస్తారు అని చెప్పలేం. ఒకవేళ అనౌన్స్‌మెంట్‌ ముందే ఇచ్చేస్తే ఆనందం. చూద్దాం అప్పుడు ఇలానే అన్నారు కానీ అవ్వలేదు. ఇప్పుడు అంటున్నారు… ఏం చేస్తారో.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!