ఒకప్పుడు వరుస హిట్లు కొడుతూ స్టార్ డైరెక్టర్ గా ఎదిగాడు శ్రీను వైట్ల. నిజానికి ‘ఆగడు’ వరకు ఈయనకి డిజాస్టర్ అంటే ఏంటో తెలీదు. కానీ తర్వాత ఆయన దానితో సహజీవనం చేయాల్సి వస్తుందని కలలో కూడా అనుకుని ఉండడు. ‘బ్రుస్ లీ’ ‘మిస్టర్’ ‘అమర్ అక్బర్ ఆంటోని’ వంటి సినిమాలు శ్రీను వైట్ల ఇమేజ్ ను పాతాళానికి తొక్కేశాయి. గతంలో శ్రీను వైట్ల సినిమా అంటే మినిమం గ్యారెంటీ అనే నమ్మకం నిర్మాతలకు,ఆడియన్స్ కు ఉండేది.
కానీ ఇప్పుడు శ్రీను వైట్లతో సినిమాలు చేయడానికి నిర్మాతలు ఒకటికి రెండు సార్లు ఆలోచించే పరిస్థితి ఏర్పడింది. ప్రస్తుతం ఆయన విష్ణు తో ‘ఢీ అంటే ఢీ’ అనే సినిమా చేస్తున్నాడు. ఇది హిట్ అయితే చాలు అన్నట్టు ఉంది పరిస్థితి. అలాగే ఈ చిత్రం తర్వాత ‘డబుల్స్’ అనే మల్టీ స్టారర్ మూవీ చేయబోతున్నట్లు తెలిపాడు శ్రీను వైట్ల. ఇదిలా ఉండగా..’గీతా ఆర్ట్స్’ బ్యానర్లో కూడా శ్రీను వైట్ల ఓ సినిమా చేయబోతున్నట్లు ప్రస్తుతం గుసగుసలు వినిపిస్తున్నాయి.
అయితే ఏ హీరోతో చేస్తాడు? చిన బ్యానర్లో చేస్తాడా..? పెద్ద బ్యానర్లో చేస్తాడా? అనే విషయాల పై స్పష్టత లేదు. గతంలో ఈ బ్యానర్లో ‘అందరివాడు’ అనే మాస్ మూవీ చేసాడు శ్రీను వైట్ల. అది సో సో గా ఆడింది. మరి ఈసారి చేయబోయే మూవీతో కం బ్యాక్ ఇస్తాడా? అనే డిస్కషన్లు కూడా ప్రస్తుతం షురూ అయ్యాయి.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
