టాలీవుడ్ టాలెంటెడ్ డైరెక్టర్ గా పేరున్న సుకుమార్ పరిశ్రమకు పరిచయమై 16 ఏళ్ళు అవుతుంది. ఈ పదహారేళ్ళలో ఆయన చేసింది కేవలం 7 సినిమాలు. భారీ హిట్స్ ఇచ్చిన తరువాత కూడా సుకుమార్ కి గ్యాప్ వచ్చేది. ఆర్య లాంటి సూపర్ హిట్ మూవీతో అరంగేట్రం చేసిన సుకుమార్, మూడేళ్లకు జగడం మూవీ చేశారు. ఆ సాంప్రదాయం కొనసాగిస్తూ రంగస్థలం లాంటి ఇండస్ట్రీ హిట్ కొట్టి కూడా రెండేళ్లు గ్యాప్ రావడం బాధాకర విషయమే.
ఈ సారి మహేష్, బన్నీ వలన సుకుమార్ కి గ్యాప్ వచ్చింది. మహేష్ సుకుమార్ తో మూవీ చేస్తానని తరువాత వెనక్కి తగ్గారు. బన్నీ త్రివిక్రమ్ మూవీ కంటే ముందు పుష్ప చేయాల్సి ఉండగా అల వైకుంఠపురంలో మూవీ తరువాత మొదలుపెట్టాడు. పుష్ప మూవీ వచ్చే ఏడాది విడుదల కానుంది. ఈ మూవీ తరువాత సుకుమార్ కి భారీగా గ్యాప్ వచ్చే సూచనలు కనిపిస్తున్నాయి. కారణం ఒక్క చరణ్ మినహా మిగతా స్టార్ హీరోలందరూ మూడేళ్లకు సరిపడా ప్రాజెక్ట్స్ ప్రకటించారు.
ఎన్టీఆర్, మహేష్, ప్రభాస్ మరియు బన్నీ కూడా తమ తదుపరి చిత్రాలు ప్రకటించడం జరిగింది. ఈ నేపథ్యంలో ఎలాగైనా చరణ్ తో మూవీ ఓకె చేయించాలనే పట్టుదలతో సుకుమార్ ఉన్నారట. అందుకే సుకుమార్ చరణ్ కి మంచి స్టోరీ లైన్ చెప్పి ఒప్పించే పనిలో ఉన్నారని సమాచారం. చరణ్ ఆర్ ఆర్ ఆర్ తరువాత మరో దర్శకుడితో కమిటైన నేపథ్యంలో కనీసం 2022 వరకు ఆయన కోసం ఎదురు చూడాల్సి ఉంటుంది. అందుకే ఆర్ ఆర్ ఆర్ తరువాత తనతో మూవీ చేసేలా సుకుమార్ ప్రణాళికలు రచిస్తున్నారట.
Most Recommended Video
ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!
