మహేష్ బాబు ప్రస్తుతం అనిల్ రావిపూడి డైరెక్షన్లో ‘సరిలేరు నీకెవ్వరు’ అనే సినిమా చేస్తున్న సంగతి తెలిసిందే. దిల్ రాజు, అనిల్ సుంకర కలిసి నిర్మిస్తున్న ఈ చిత్రానికి హీరో మహేష్ బాబు కూడా సహా నిర్మాతగా వ్యవహరిస్తున్నాడు. రష్మిక హీరోయిన్ గా నటిస్తున్న ఈ చిత్రంలో విజయశాంతి కూడా కీలక పాత్ర పోషిస్తుంది. 13 ఏళ్ళ గ్యాప్ తర్వాత ఆమె మళ్ళీ ఈ సినిమాతో రీ ఎంట్రీ ఇస్తుంది. పక్కా కమర్షియల్ ఎంటర్టైనర్ గా ఈ చిత్రాన్ని రూపొందిస్తున్నాడు దర్శకుడు అనిల్ రావిపూడి. 2020 సంక్రాంతి కానుకగా ఈ చిత్రాన్ని విడుదల చేయబోతున్నారు.
ఇక ఈ చిత్రంలో తమన్నా కూడా కనిపించబోతుందని తాజా సమాచారం. అవును తమన్నా ‘సరిలేరు నీకెవ్వరు’ చిత్రంలో ఓ పాటకి నర్తించబోతుందట. అలా అని అది ఐటమ్ సాంగ్ కాదు. మహేష్ బాబు ఇంట్రడక్షన్ సాంగ్ అట. ఈ చిత్రంలో మహేష్ బాబు పాత్ర రీత్యా ఇంట్రడక్షన్ సాంగ్ లో ఆయన స్టెప్స్ వేయకుండా హుందాగా వ్యవహరించవలసి ఉంటుందట. అందువలన ఆయన హుందా తనాన్ని కాపాడుతూ, ఆ పాటలో తమన్నా వయ్యారాలు ఒలకబోస్తూ స్టెప్స్ వేస్తుందని తెలుస్తుంది. ఈ ఒక్క పాటకే… తమన్నాకి భారీ ఎత్తున పారితోషికం ఇస్తున్నారని సమాచారం. ఈ ఇంట్రడక్షన్ సాంగ్ సినిమాకే హైలైట్ గా నిలుస్తుందని సమాచారం. గతంలో మహేష్ తో ‘ఆగడు’ అనే చిత్రం చేసింది తమన్నా. ఆ చిత్రానికి కూడా అనిల్ సుంకర ఓ నిర్మాతగా వ్యవహరించాడు. ఇక అనిల్ రావిపూడి కూడా రైటర్ గా వర్క్ చేశాడు. సో దాదాపు అదే కాంబినేషన్ రిపీట్ అవుతుందన్న మాట. కాంబినేషన్ రిపీట్ అయితే పర్వాలేదు కానీ.. రిజల్ట్ రిపీట్ అవ్వకుండా ఉంటే బెటర్.
Home