నా పేరు సూర్యకి హైలైట్ సీన్ ఆ ఫైట్

ప్రస్తుతం కాశ్మీర్ లో మిలటరీ ప్రొటెక్షన్ లో, మిలిటరీ జోన్ లో కీలక సన్నివేశాల చిత్రీకరణ జరుపుకొంటున్న ‘నా పేరు సూర్య’ బృందం మరో రెండ్రోజుల్లో హైద్రాబాద్ చేరుకోనుంది. మళ్ళీ ఫిబ్రవరి రెండోవారం నుంచి హైద్రాబాద్ లోని రింగ్ రోడ్ మీద హై ఆక్టేన్ యాక్షన్ సీక్వెన్స్ ను షూట్ చేయనున్నారు. భారీ స్థాయిలో తెరకెక్కించనున్న ఈ యాక్షన్ సీన్ కి రామ్ లక్ష్మణ్ మాస్టర్ పర్యవేక్షించనున్నారు. ఈ ఫైట్ సీక్వెన్స్ సినిమాకి హైలైట్ గా నిలుస్తుందట. “ఇద్దరమ్మాయిలతో” సినిమాలో కత్తి ఫైట్, “సరైనోడు”లో క్లైమాక్స్ ఫైట్ సీక్వెన్స్ లను తలపించే స్థాయిలో “నా పేరు సూర్య”లో ఈ చేజ్ కమ్ ఫైట్ సీక్వెన్స్ ఉండబోతోందట.

అందుకే ఖర్చుకి ఎక్కడా వెనకాడకుండా స్పెషల్ పర్మిషన్స్ తీసుకొని మరీ ఈ ఫైట్ ను తెరకెక్కించనున్నారు అల్లు అర్జున్ & టీం. అను ఎమ్మాన్యుల్ కథానాయికగా నటిస్తున్న ఈ చిత్రంలో సెకండ్ సింగిల్ ను ప్రేమికుల రోజు కానుకగా ఫిబ్రవరి 14న విడుదల చేయనుండగా.. చిత్రాన్ని ఏప్రిల్ 27న రిలీజ్ చేయనున్నారు. అల్లు అర్జున్ యాంగ్రీ మిలటరీ ఆఫీసర్ గా నటించనున్న “నా పృ సూర్య”పై భారీ అంచనాలున్నాయి. ఆ అంచనాలను అందుకొనేందుకు చిత్రబృందం విశేషమైన రీతిలో కష్టపడుతోంది.