సాహో ప్రతి పోస్టర్ కాపీయేనా అని అవాక్కవుతున్నారు

ఇండియాస్ బిగ్గెస్ట్ యాక్షన్ ఫిలిమ్ గా ప్రమోట్ చేయబడుతున్న “సాహో” సరిగ్గా 29 రోజుల్లో విడుదలకానుంది. సినిమా విడుదల దగ్గరపడుతున్న కొద్దీ ప్రభాస్ అభిమానుల మనసులో ఆనందంతోపాటు టెన్షన్ కూడా పెరుగుతూ వస్తోంది. అందుకు కారణం సినిమా పోస్టర్లు. ఇప్పటివరకు విడుదల చేసిన ప్రతి పోస్టర్ ఏదో ఒక హాలీవుడ్ సినిమా పోస్టర్ లేదా ఆన్లైన్ గేమ్ కి కాపీ కావడంతో.. మేకర్స్ పోస్టర్ ను రిలీజ్ చేసిన నిమిషాల్లో అది ఎక్కడి నుంచి కాపీ చేశారో.. సదరు ఒరిజినల్ పోస్టర్ ను తీసుకొచ్చి ఇంటర్నెట్ లో పోస్ట్ చేస్తున్నారు.

ఆఖరికి నిన్న విడుదల చేసిన సాహో గేమ్ పోస్టర్ కూడా హాలీవుడ్ సినిమా “రెడీ ఒన్ ప్లేయర్” సినిమా పోస్టర్ కి కాపీ కావడంతో ప్రభాస్ ఫ్యాన్స్ కి తల ఎక్కడ పెట్టుకోవాలో అర్ధం కావడం లేదు. కలర్ గ్రేడింగ్ తప్ప మిగతా థీమ్ మొత్తం సేమ్ టు సేమ్ ఉండడం అనేది ఎవరికీ మింగుడుపడడం లేదు. మరి సినిమాకి కోట్లు ఖర్చుపెట్టిన టీం మెంబర్స్ పోస్టర్స్ విషయంలోనూ కాస్త క్రియేటివిటీ వాడి కొత్త తరహా పోస్టర్స్ రిలీజ్ చేస్తే పోయేది ఏముంది అనేది ఎవరికీ అర్ధం కానీ ప్రశ్న.

1

2

3