Prabhas: క్యూలో కూర్చోనున్న ‘డార్లింగ్‌’ డైరక్టర్‌

ప్రభాస్‌కు సినిమా కథ చెప్పడం, దానికి ఒప్పించడం ఎంత కష్టమో మనకు తెలియదు కానీ, సినిమాను పట్టాలెక్కించడం మాత్రం ఇప్పుడు చాలా కష్టం. ప్రస్తుతం ఒక దర్శకుడు ఈ పనిలో నిమగ్నమై ఉన్నాడు. అతనితోపాటు మరికొంతమంది ఆ వరుసలో చేరుతున్నారు కూడా. తాజాగా ప్రభాస్‌ పాత డైరక్టర్‌ ఒకాయన ఈ వరుసలో వచ్చి చేరుతున్నట్లు సమాచారం. అతనే ‘డార్లింగ్’ దర్శకుడు కరుణాకరన్‌. ఇటీవల ఈ ప్రేమకథల దర్శకుడు ప్రభాస్‌కు ఓ కథ చెప్పారట.

వరుసగా భారీ చిత్రాలు తీస్తూ వస్తున్న ప్రభాస్‌ ఒక మంచి ప్రేమకథ చేయాలని అనుకుంటున్నారట. ఈ క్రమంలో తనకు ‘డార్లింగ్‌’ లాంటి మంచి ఫీల్ గుడ్‌ ఎంటర్‌టైనర్‌ ఇచ్చిన కరుణాకరన్‌ చెప్పిన కథను ఓకే అన్నాడట. దీంతో ఇక నిర్మాత ఎవరు అనేది తెలియడమే నెక్స్ట్ అంటున్నారు. ఏముంది ప్రభాస్‌ సినిమా నిర్మాతలు వరుస కడుతున్న రోజులివీ. ఎవరో ఒకరు సెట్‌అయిపోతారు లెండి. అయితే ఇక్కడ సమస్య కరుణాకరన్‌ సీరియల్‌ నెంబర్‌ ఎంత.

ప్రస్తుతం ప్రభాస్‌ చేతిలో వరుస సినిమాలున్నాయి. ‘రాధే శ్యామ్‌’, ‘సలార్‌’, ‘ఆదిపురుష్‌’ చేస్తున్నాడు. ఇదయ్యాక నాగ్‌ అశ్విన్‌ – వైజయంతి మూవీస్‌ సినిమా చేయాలి. ఆ తర్వాత సిద్ధార్థ్‌ ఆనంద్‌ సినిమా ఉంది అని అంటున్నారు. దీంతో ఇవన్నీ అయ్యాకనే కరుణాకరన్‌ సినిమా మొదలవుతుంది. వీటి మధ్యలో టైమ్‌ ఇచ్చి ఆ సినిమా చేద్దామన్నా పరిస్థితి వీలయ్యేలా లేదు. సో కొత్త దర్శకుడు ఎవరు వచ్చినా కొద్ది సంవత్సరాలు ఆగాల్సిందే.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!