యంగ్ టైగర్ జూనియర్ ఎన్టీఆర్ వార్2 సినిమాలో ఎలాంటి పాత్రలో కనిపిస్తారో అనే టెన్షన్ అభిమానుల్లో చాలారోజుల నుంచి ఉంది. జై లవకుశ సినిమాలో నెగిటివ్ షేడ్స్ ఉన్న పాత్రలో నటించి మెప్పించిన తారక్ వార్2 సినిమాలో నెగిటివ్ షేడ్స్ ఉన్న పాత్రలో మరింత పవర్ ఫుల్ గా కనిపించనున్నారు. టైగర్3 మూవీ క్లైమాక్స్ సీన్ ద్వారా వార్2 సినిమాలో జూనియర్ ఎన్టీఆర్ రోల్ కు సంబంధించి క్లారిటీ వచ్చేసింది.
అతడితో పోరాటం మరణం కంటే ఎంతో ప్రమాదమంటూ తారక్ పాత్రకు ఇచ్చిన ఎలివేషన్స్ గూస్ బంప్స్ వచ్చేలా ఉన్నాయి. కరుడుగట్టిన సైతాన్ ను మించి ప్రమాదకరమైన వ్యక్తి వచ్చాడని ఆ వ్యక్తితో తలపడాలని అనుకుంటే అంతకు మించి క్రూరంగా మారిపోవాలని కబీర్ కు (హృతిక్ రోషన్) రా చీఫ్(అశోతోష్ రానా) సూచిస్తారు. 2025 సంవత్సరం జనవరి 26వ తేదీన వార్2 మూవీ రిలీజ్ కానుందని ఇండస్ట్రీలో టాక్ ఉంది.
బాలీవుడ్ డెబ్యూ కోసం తారక్ పవర్ ఫుల్ కథాంశాన్ని ఎంచుకున్నారు. అయాన్ ముఖర్జీ డైరెక్షన్ లో ఈ సినిమా తెరకెక్కుతుండగా ఈ సినిమాలోని యాక్షన్ సీక్వెన్స్ లలో తారక్ డూప్ లేకుండా పాల్గొననున్నారని సమాచారం అందుతోంది. యంగ్ టైగర్ ఎన్టీఆర్ ప్రశాంత్ నీల్ కాంబో మూవీకి సంబంధించి కూడా త్వరలో అప్ డేట్స్ రానున్నాయి. ప్రశాంత్ నీల్ కూడా తన సినిమాలలో హీరోలను నెగిటివ్ షేడ్స్ లో చూపించడానికి ఇష్టపడతారు.
జూనియర్ ఎన్టీఆర్ (Jr NTR) డైరెక్ట్ గా క్లారిటీ ఇస్తే తారక్ సినిమాల గురించి, సినిమాలలోని పాత్రల గురించి పూర్తిస్థాయిలో స్పష్టత వచ్చే అవకాశం ఉంది. తారక్ భవిష్యత్తు ప్రాజెక్ట్ లు ఒకింత భారీ రేంజ్ లో ఉండనున్నాయని సమాచారం అందుతోంది. సినిమాను బట్టి తారక్ రెమ్యునరేషన్ ఛార్జ్ చేస్తున్నారని సమాచారం అందుతోంది. వార్2 సినిమాకు ఒకింత పరిమితంగానే తీసుకుంటున్నారని తెలుస్తోంది.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
