వరుణ్ తేజ్, మానుషి చిల్లర్ జంటగా నటించిన మూవీ ‘ఆపరేషన్ వాలెంటైన్’. తెలుగు-హిందీలో ద్విభాషా చిత్రంగా ‘ఆపరేషన్ వాలెంటైన్’ రూపొందింది. శక్తి ప్రతాప్ సింగ్ హడా దర్శకత్వం వహించిన ఈ చిత్రాన్ని ‘సోనీ పిక్చర్స్ ఇంటర్నేషనల్ ప్రొడక్షన్స్’, ‘సందీప్ ముద్దా రినైసన్స్ పిక్చర్స్’ వారు నిర్మించగా, గాడ్ బ్లెస్ ఎంటర్‌టైన్‌మెంట్ (వకీల్ ఖాన్), నందకుమార్ అబ్బినేని సహ నిర్మాతగా వ్యవహరించారు. రుహాని శర్మ కూడా ఈ సినిమాలో కీలక పాత్ర పోషించింది.
మార్చి 1న ఈ సినిమా రిలీజ్ కాబోతుంది. టీజర్, ట్రైలర్స్ కి మంచి రెస్పాన్స్ లభించింది. సెన్సార్ కూడా పూర్తయింది. ఈ చిత్రానికి సెన్సార్ వారు యు/ఎ సర్టిఫికెట్ ను జారీ చేశారు. ఇదిలా ఉండగా.. ‘ఆపరేషన్ వాలెంటైన్’ ట్రైలర్లో విజువల్స్ టాప్-నాచ్ అనే విధంగా ఉంటాయి. దీంతో వరుణ్ తేజ్ కెరీర్లో ఈ సినిమా హయ్యెస్ట్ బడ్జెట్ తో రూపొందింది అని అంతా అనుకుంటున్నారు. కానీ ఈ సినిమాకి అయిన బడ్జెట్ ఎంతో తెలిస్తే షాక్ అవుతారు.
‘ఆపరేషన్ వాలెంటైన్’ కి (Operation Valentine) కేవలం రూ.42 కోట్లు బడ్జెట్ అయ్యిందట. ప్రమోషన్స్ కి రూ.8 కోట్లు ఖర్చు చేశారట. మొత్తంగా రూ.50 కోట్ల బడ్జెట్ లో ఈ సినిమా ఫినిష్ అయినట్లు తెలుస్తుంది. రూ.50 కోట్ల బడ్జెట్ లో ఇలాంటి సినిమాని ఫినిష్ చేయడం అంటే మాటలు కాదు. స్క్రిప్ట్ పక్కాగా ఉండటం వల్లే అది కుదిరింది అంటూ మేకర్స్ చెబుతున్నారు.
పవర్ స్టార్ నిజంగానే రూ.100 కోట్ల ఆస్తులు అమ్మారా.. ఏమైందంటే?
‘ఆపరేషన్ వాలెంటైన్’ సెన్సార్ రివ్యూ వచ్చేసింది.. రన్ టైమ్ ఎంతంటే?
ఒకప్పుడు సన్నగా ఉండి ఇప్పుడు గుర్తుపట్టలేనంతగా మారిపోయిన 11 హీరోయిన్స్.!
