Balakrishna: ఆ స్టార్ హీరోలంతా.. బాలయ్యని చూసి నేర్చుకోవాల్సిందే..!

ఈ మధ్య పెద్ద సినిమాలు అన్నీ డూప్..లతోనే కంప్లీట్ అయిపోతున్నాయి. హీరోలతో తీరిగ్గా క్లోజప్ షాట్స్ తీసేసి..వి.ఎఫ్.ఎక్స్ వంటి వాటి సాయంతో మొహాలు మార్చేసి షూటింగ్ కంప్లీట్ అయ్యింది అంటున్నారు. హీరోలు డేట్స్ ఇవ్వడం లేదో.. లేక నిర్మాతలు బడ్జెట్లు తగ్గించుకుందామనో కానీ.. 60,70 శాతం షూటింగ్ డూపులతో కానిచ్చేస్తున్నారు. ప్రేక్షకులైనా, అభిమానులైనా.. టికెట్ కి డబ్బులు పెట్టేది హీరో మోహన్ చూసి కదా.

Balakrishna

కానీ ఫలానా యాక్షన్ సీన్ హీరో చేయలేదు అంటే.. వాళ్ళని పరోక్షంగా మోసం చేసినట్టే కదా. వందల కోట్లు పారితోషికాలు తీసుకుంటూ చేసే పనిలో కూడా ఎథిక్స్ చూపించకపోతే…వాళ్ళు ఏం సాధిస్తున్నారు అనుకోవాలి? చాలా మంది హీరోల విషయంలో ఇదే జరుగుతుంది. కానీ బాలకృష్ణ (Balakrishna) మాత్రం డూప్ షాట్స్ లేకుండా పని చేస్తాడు అని దర్శకులు చెబుతుంటారు.

బాలకృష్ణ (Balakrishna) పుట్టినరోజు నాడు కూడా ఇదే విషయంపై ఆయన స్పందించడం జరిగింది. ‘సార్ మీకెందుకు ఈ కష్టం.. మీరు క్లోజప్ షాట్స్ కి రండి, మిగిలింది డూప్ చూసుకుంటాడు కదా. అని కొందరు అంటారు. కానీ నేను అలా చేయను. నేనే ఒరిజినల్. నేనే చేస్తాను. అభిమానుల కోసం, తెలుగు ప్రేక్షకుల కోసం, ఏమైనా చేయడానికి నేను సిద్ధం’ అంటూ బాలకృష్ణ చెప్పుకొచ్చారు.

ఆయన కామెంట్స్ లో కాన్ఫిడెన్స్ చూస్తే ఎవ్వరికైనా ముచ్చటేస్తుంది. మరో రకంగా ప్రజెంట్ జనరేషన్ స్టార్ హీరోలకి ఇవి కౌంటర్ గా కూడా ఉన్నాయని చెప్పుకోవచ్చు. ఎందుకంటే పాన్ ఇండియా పేరుతో స్టార్ హీరోలు చేస్తున్న సినిమాల సెట్స్ లో ఎక్కువగా డూప్, బాడీ డబుల్స్ మాత్రమే ఉంటున్నారు. సో స్టార్ హీరోలు బాలయ్యని ఆదర్శంగా తీసుకుని వ్యవహరిస్తే బాగుంటుంది.

ఈ వీడియో ఎందుకో మంచి హై- ఇచ్చింది#Balayya original #Balakrishna #NandamuriBalakrishna pic.twitter.com/44Rq7tINCR

— Phani Kumar (@phanikumar2809) June 12, 2025

ప్రేక్షకుల అర్హత గురించి ఫణీంద్ర నార్సెట్టి కామెంట్స్ వైరల్