సినిమా ప్రచారానికి హీరోలు చాలా ముందుంటారు. చిన్న సినిమా అయినా సరే.. ఆ సినిమా విజయం అందుకునేందుకు పెద్ద ఎత్తున ప్రచారం చేస్తుంటారు. కొంతమంది స్టార్ హీరోలు దీనికి దూరంగా ఉంటారేమో కానీ.. దాదాపు హీరోలంతా ప్రచారానికి ముందుంటారు. అయితే ప్రచారం కోసం అదనంగా డబ్బులు తీసుకునేవాళ్లు కూడా ఉన్నారు. అలా ఓ హీరో పెద్ద మొత్తంలో డబ్బులు తీసుకొని ప్రచారానికి రాకుండా హ్యాండిచ్చారని నిర్మాత ఫైర్‌ అవుతున్నారు. మలయాళీ ప్రముఖ నటుడు కుంచకో బొబన్‌ గురించి ఇదంతా. ఆయన నటించిన ‘పద్మిణి’ సినిమా గురించే ఈ చర్చంతా.
ఈ సినిమా (Padmini) ఈ శుక్రవారం ప్రేక్షకుల ముందుకు వచ్చింది. అయితే ‘పద్మిణి’ ప్రమోషన్స్‌లో హీరో కుంచకో బోబన్‌ పాల్గొనక పోవడంపై నిర్మాత సువిన్ కె వర్కీ తీవ్ర ఆగ్రహం వ్యక్తం చేశారు. కుంచకో కోట్ల రూపాయలలో పారితోషికం తీసుకుని ప్రమోషన్స్‌కు హాజరు కాలేదని ఆయన విమర్శించారు. దీంతో ఇప్పుడు ఆయన వ్యాఖ్యలు వైరల్‌గా మారిపోయాయి. ‘పద్మిణి’ సినిమాను సరిగ్గా ప్రమోట్‌ చేయలేదంటూ కొంతమంది అంటున్నారు. అయితే ఈ ప్రశ్నలకు తప్పకుండా సమాధానం చెప్పాల్సిన అవసరం ఉంది.
తన స్టార్‌డమ్‌ను ఉపయోగించి థియేటర్‌కు ప్రేక్షకులను తీసుకొచ్చే బాధ్యత సినిమా ప్రధాన నటుడిపై ఉంటుంది. కానీ కుంచకో బోబన్‌ మాత్రం ప్రచారానికి ముందుకు రాలేదు. 25 రోజుల షూటింగ్‌కిగాను కుంచకోకు రూ.2.5 కోట్ల పారితోషికం ఇచ్చాం. కానీ ఆయన ప్రమోషన్స్‌కు రాలేదు. కుంచకో హీరో సతీమణి నియమించిన మార్కెటింగ్‌ కన్సల్టెంట్‌ టీమ్‌ సినిమా ఫుటేజీ చూసి… ప్రమోషన్స్‌ రద్దు చేసేశారు. అంతేకాదు ఇలాంటి సంఘటన మా సినిమాకు మాత్రమే కాదు, ఆ హీరో నటించిన మరో మూడు చిత్రాల నిర్మాతలకూ ఎదురైంది అని చెప్పారు.
అంతేకాదు దీనిపై ఎవరో ఒకరు ముందుకు వచ్చి మాట్లాడాలి… అందుకే నేనే ముందుకొచ్చి ఈ పోస్ట్‌ పెడుతున్నాను అని సోషల్‌ మీడియాలో రాసుకొచ్చారు. అంతేకాదు… ఆయన సినిమా నిర్మాణంలో భాగస్వామి అయితే అప్పుడు ప్రచారానికి వస్తారని కూడా విమర్శించారు. బయట నిర్మాతల సినిమాలైతేనే ఇలా బిహేవ్‌ చేస్తున్నారు అని చెప్పుకొచ్చారు. ఆయనకు సినిమా ప్రమోషన్‌ కంటే యూరప్‌లో స్నేహితులతో ఎంజాయ్‌ చేయడం ఎక్కువ ఇష్టం అంటూ ఘాటుగా విమర్శించారు నిర్మాత.
హాస్టల్ డేస్ వెబ్ సిరీస్ రివ్యూ & రేటింగ్!
మహావీరుడు సినిమా రివ్యూ & రేటింగ్!
