అల్లు అర్జున్ తో నటించే అవకాశం అందుకున్న పరుల్ గులాటి

పంజాబీ ముద్దుగుమ్మల్ని తెలుగువారు బాగా ఆదరించారు. ఛార్మి , రకుల్ ప్రీత్ సింగ్ , తాప్సిలు ఇక్కడ అనేక విజయాలు అందుకొని తెలుగువారి మనసుదోచుకున్నారు. వీరిబాటలోనే మరో బ్యూటీ తెలుగువారి మనసులో స్థానం సంపాదించుకోవడానికి ప్రయత్నం చేస్తోంది. ఆమె ఎవరో కాదు.. నాగ శౌర్యతో కలిసి రెండేళ్లక్రితం నీ జతలేక సినిమా ద్వారా తెలుగులోకి ఎంట్రీ ఇచ్చిన పరుల్ గులాటి. ఆ సినిమా హిట్ కాకపోవడంతో మరో ఛాన్స్ అందుకోలేకపోయింది. ఇప్పుడు స్టార్ హీరో సాయంతో రీ ఎంట్రీ ఇవ్వాలని తపిస్తోంది. అందుకే అల్లు అర్జున్ తో వాణిజ్య ప్రకటనలో నటించడానికి ఒకే చెప్పింది. స్టైలిష్ స్టార్ అనేక సంస్థలకు బ్రాండ్ అంబాసిడర్ గా వ్యవహరిస్తున్న సంగతి తెలిసిందే. వాటిలో రెడ్ బస్ ఒకటి. ఇటీవలే ఈ రెడ్ బస్ యాడ్ షూట్ జరిగింది.

ఈ యాడ్ షూట్ లో అల్లు అర్జున్ తో పాటు పరుల్ గులాటి నటించింది. ఆ సందర్బంగా బన్నీతో ఓ సెల్ఫీని తీసుకుంది. ఆ సెల్ఫీని తాజాగా సోషల్ మీడియాలో పోస్ట్ చేసి బన్నీ ఫై ప్రశంసల జల్లు కురిపించింది. ఆమె మాటలు బట్టి చూస్తుంటే బన్నీతో కలిసి సినిమా చేయాలనీ ఉందని అర్ధమవుతోంది. ఈ విషయం అల్లు అర్జున్ కి కూడా అర్ధమయ్యే ఉంటుంది. మరి అవకాశం ఇస్తారా లేదో చూడాలి. నా పేరు సూర్య తర్వాత అల్లు అర్జున్ కథల వేటలోనే ఉన్నారు. త్రివిక్రమ్ తో సినిమా చేస్తారా? విక్రమ్ కుమార్ దర్శకత్వంలో నటిస్తారా అనేది? ఇంకా అధికారిక ప్రకటన రాలేదు.