పవన్ మూవీ టైటిల్ తో త్రివిక్రమ్ సినిమా

త్రివిక్రమ్ శ్రీనివాస్ దర్శకత్వంలో పవన్ కల్యాణ్ మూడో సినిమా చేస్తున్న సంగతి తెలిసిందే. వచ్చే నెల నుంచి సెట్స్ మీదకు వెళ్లనున్న ఈ మూవీకి దేవుడే దిగివచ్చిన అనే టైటిల్ పరిశీలిస్తున్నారు. అయితే త్రివిక్రమ్ ఓ టైటిల్ ని రిజిస్టర్ చేయించారు. ఇది కూడా త్రివిక్రమ్ సినిమాకే, అయితే దర్శకుడిగా కాదు నిర్మాతగా చేయనున్న సినిమాకు. త్రివిక్రమ్, పవన్ కళ్యాణ్ చిన్న బడ్జట్ చిత్రాలని నిర్మించాలని అనుకుంటున్నారు. ఈ ప్రొడక్షన్ మొదటి సినిమాకి నితిన్ ని హీరోగా ఫిక్స్ చేశారు.

కృష్ణ చైతన్య దర్శకత్వం వహించనున్న ఈ మూవీకి పవన్ మొదటి సినిమా పేరు అక్కడ అమ్మాయి ఇక్కడ అబ్బాయిని కొంచెం మార్చి అక్కడబ్బాయ్ – ఇక్కడమ్మాయి అనే టైటిల్ ఖరారు చేశారు. ప్రస్తుతం హను రాఘవపూడి దర్శకత్వంలో నితిన్ నటిస్తున్నారు. ఈ మూవీ కంప్లీట్ అయిన వెంటనే కృష్ణ చైతన్యతో మూవీ ఉంటుంది. ఎన్నారై కుర్రాడిగా  నితిన్ కనిపించనున్న ఈ మూవీ నిర్మాణంలో పవన్, త్రివిక్రమ్ తో పాటు నితిన్ కు చెందిన శ్రేష్ఠ్ మూవీస్ కూడా భాగం పంచుకోనుంది.