సర్దార్ గబ్బర్ సింగ్…పవర్ స్టార్ మోస్ట్ అవెయిటెడ్ మూవీ. సినీ పరిశ్రమలోని రికార్డులను శాసించే విధంగా, బాహుబలి రికార్డులను సైతం అధిగమించే విధంగా ఈ సినిమాను ఊహించుకున్నారు పవన్ అభిమానులు. అంతేకాకుండా 100కోట్ల వసూళ్లను సైతం టార్గెట్ చేసుకున్నారు . అయితే అసలు సినిమా ఎలా ఉంటుందో అన్న మాట పక్కన పెడితే, సర్దార్ గబ్బర్ సింగ్ ట్రైలర్, మరియు సాంగ్స్ ఫాన్స్ కు అనుకున్నంత కిక్ ఇవ్వలేదు అనే టాక్ బలంగా వినిపిస్తుంది. ఎన్నో అంచనాలతో విడుదలయిన ట్రైలర్ రొటీన్ సినిమా ట్రైలర్ లాగా అనిపించడంతో ఫాన్స్ తీవ్రంగా నిరాశ చెందినట్లు సమాచారం.
మరో పక్క సినిమా మొత్తం ట్రైలర్ లోనే చూపించేస్తే ఇంకా కిక్ ఏముంటుంది అన్న విమర్శ సైతం అభిమానుల్లో వినిపిస్తుంది. అసలు సర్దార్ సినిమాకు ఏమయ్యింది? లెక్క ఎక్కడ తప్పింది అన్న మాట పక్కన పెడితే….పూర్వకాలపు సినిమాలా ఎక్కడో ఊరిని దారుణంగా పట్టి పీడించే విలన్ వాడి పని పట్టడానికి పని గట్టుకుని వచ్చిన ఒక పోలీసు అధికారి మధ్యలో ఒక హీరోయిన్ చిట్టచివరకు విలన్ పై హీరో విజయాని సాధించడం లాంటి సాదాసీదా కథ ‘సర్దార్ గబ్బర్ సింగ్’ అని అభిమానులు ట్రైలర్ ను బట్టి చెబుతున్నారు. దానికి తోడు దేవి మ్యూజిక్ కూడా నిరాశ పరచడంతో అభిమానులు మరింత కుంగిపోతున్నారు.
మరో పక్క మేకింగ్ వ్యాల్యూస్ కూడ ఏమి బాగోకపోవడంతో దీనిపై అభిమానులు పెదవి విరుస్తున్నారు. ఈ విషయాలన్నీ పక్కన పెడితే…ఇక్కడ పవన్ ఫ్యాన్స్ కొన్ని లాజిక్స్ మిస్ అయ్యారు. గబ్బర్ సింగ్ సినిమా కూడా కధ వెరైటీ ఏమీ కాదు, కాకపోతే స్క్రీన్‌ప్లే దుమ్ము దులిపేయడంతో సూపర్ హిట్ గా నిలిచింది. ఇక మరో పక్క దేవి పాటలు నిరాశ పరిచాయి అని ఫాన్స్ పదే పదే అంటున్నారు. దేవి ట్యూన్స్ లో ఎక్కువ శాతం రిపీటెడ్ ట్యూన్స్ ఉంటాయి. అది తెలిసిన విషయమే. మరి ఇవన్నీ ఎందుకు అభిమానులు ఆలోచిస్తున్నారో అర్ధం కావడంలేదు. టేకింగ్ బావుంటే…ఇప్పుడు పవన్ కు ఉన్న క్రేజ్ కి బాహుబలి రికార్స్ పెద్ద కష్టం ఏమీ కాదు అని చెప్పనవసరం లేదు.
