Pawan Kalyan, Nani: ఆ విషయం తెలిసే దసరా రిలీజ్ డేట్ ప్రకటించారా?

పవర్ స్టార్ పవన్ కళ్యాణ్ హీరోగా క్రిష్ డైరెక్షన్ లో తెరకెక్కుతున్న హరిహర వీరమల్లు సినిమా 2023 సంవత్సరం మార్చి నెల 30వ తేదీన విడుదల కానుందని నిర్మాత ఏఎం రత్నం కొన్నిరోజుల క్రితం వెల్లడించారు. ఇప్పటికే పలుమార్లు రిలీజ్ డేట్ ను మార్చుకున్న ఈ సినిమా ఆ తేదీకి కచ్చితంగా విడుదలవుతుందని ఫ్యాన్స్ కాన్ఫిడెన్స్ తో ఉన్నారు. అయితే ఇదే సమయంలో నాని హీరోగా తెరకెక్కిన దసరా సినిమా కూడా మార్చి 30వ తేదీన రిలీజ్ చేయనున్నట్టు ప్రకటించారు.

హరిహర వీరమల్లును రిలీజ్ చేస్తామని చెప్పిన రోజునే నాని సినిమాను రిలీజ్ చేస్తున్నట్టు ప్రకటించడం ఏమిటని పవన్ ఫ్యాన్స్ ఫీలవుతున్నారు. దసరా చిత్రయూనిట్ అధికారికంగా రిలీజ్ డేట్ ను పోస్టర్ ద్వారా ప్రకటించడంతో హరిహర వీరమల్లు సినిమా అదే తేదీకి థియేటర్లలో రిలీజవుతుందో లేక రిలీజ్ డేట్ ను మార్చుకుంటుందో చూడాల్సి ఉంది. పవన్, నాని సినిమాలు ఒకేరోజు థియేటర్లలో విడుదలైతే నాని సినిమానే నష్టపోవాల్సి వస్తుంది.

పవన్ క్రిష్ కాంబో మూవీ హరిహర వీరమల్లు పాన్ ఇండియా మూవీగా భారీ బడ్జెట్ తో తెరకెక్కుతోంది. 200 కోట్ల రూపాయల బడ్జెట్ తో తెరకెక్కుతున్న ఈ సినిమా వచ్చే ఏడాది థియేటర్లలో విడుదల కానుంది. పవన్ కు జోడీగా నిధి అగర్వాల్ ఈ సినిమాలో నటించారు. క్రిష్ గత సినిమాలు బాక్సాఫీస్ వద్ద ఆశించిన స్థాయిలో సక్సెస్ సాధించలేదనే సంగతి తెలిసిందే. ఈ సినిమాతో సక్సెస్ ట్రాక్ లోకి వస్తానని క్రిష్ నమ్ముతున్నారు.

క్రిష్ సినిమాతో బాలీవుడ్ లో కూడా పవన్ కళ్యాణ్ కు భారీ బ్లాక్ బస్టర్ దక్కడం ఖాయమని ఫ్యాన్స్ భావిస్తుండటం గమనార్హం. హరిహర వీరమల్లు విడుదలైన తర్వాతే క్రిష్ కొత్త ప్రాజెక్ట్ లకు సంబంధించి ప్రకటనలు వెలువడే ఛాన్స్ ఉంది. పవన్ కళ్యాణ్ త్వరలో ఈ సినిమా రెగ్యులర్ షూటింగ్ లో పాల్గొననున్నారని సమాచారం అందుతోంది.

లైగర్ సినిమా రివ్యూ & రేటింగ్!

Most Recommended Video

‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!