Pawan Kalyan: పవన్ ఫ్యాన్స్ నమ్మకం నిజమవుతుందా?

స్టార్ డైరెక్టర్ త్రివిక్రమ్ శ్రీనివాస్ సినిమాలను ఇష్టపడే ప్రేక్షకులు కోట్ల సంఖ్యలో ఉన్నారు. ఆయన సంభాషణలు ప్రేక్షకులను ఎంతగానో ఆకట్టుకుంటాయి. త్రివిక్రమ్ శ్రీనివాస్ ఈ మధ్య కాలంలో దర్శకత్వం వహించిన సినిమాలలో అజ్ఞాతవాసి మినహా అన్ని సినిమాలు హిట్ రిజల్ట్ ను అందుకున్నాయి. అయితే అజ్ఞాతవాసి చేదు ఫలితం త్రివిక్రమ్ అభిమానులను, పవన్ అభిమానులను చాలా బాధపెట్టిన సంగతి తెలిసిందే. అయితే త్రివిక్రమ్ అయ్యప్పనుమ్ కోషియమ్ రీమేక్ తో తమ ఆశలను వమ్ము చేయరని పవన్ ఫ్యాన్స్ భావిస్తున్నారు.

మేకర్స్ అయ్యప్పనుమ్ కోషియమ్ రీమేక్ కు త్రివిక్రమ్ కథనం, మాటలు ఇస్తున్నారని చెబుతున్నా ఒక విధంగా త్రివిక్రమ్ దర్శకత్వ పర్యవేక్షణ చేస్తున్నారనే చెప్పాలి. అజ్ఞాతవాసి చేదు జ్ఞాపకాలను త్రివిక్రమ్ ఈ సినిమాతో చెరిపివేస్తారేమో చూడాల్సి ఉంది. అయ్యప్పనుమ్ కోషియమ్ రీమేక్ హిందీ హక్కులు భారీ మొత్తానికి అమ్ముడయ్యాయి. త్రివిక్రమ్ పేరు యాడ్ కావడం వల్లే డిస్ట్రిబ్యూటర్లు కూడా ఈ సినిమాపై ఆసక్తి చూపుతున్నారని తెలుస్తోంది. ఈ సినిమా థియేట్రికల్ హక్కులకు కూడా భారీగా డిమాండ్ నెలకొంది.

పవన్, రానా కలిసి నటిస్తున్న సినిమా కావడంతో రానా ఫ్యాన్స్ కూడా బాహుబలి తర్వాత రానా కెరీర్ లో ఆ స్థాయి హిట్ గా ఈ సినిమా నిలుస్తుందని భావిస్తున్నారు. సంక్రాంతికి రిలీజ్ కానున్న ఈ సినిమా భారీగా కలెక్షన్లను సాధిస్తుందని ఫ్యాన్స్ భావిస్తున్నారు. తాజాగా ఈ సినిమా నుంచి ఒక వీడియో క్లిప్ లీక్ కాగా ఆ క్లిప్ సినిమాపై అంచనాలను మరింత పెంచింది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!