హీరోకు అడ్వాన్స్ ఇవ్వడంలో ఎంత ఫాస్ట్గా ఉంటుందో.. ఒకవేళ తేడా కొట్టి ఆ అడ్వాన్స్ను వెనక్కి తీసుకోవాలి అనుకుంటే అంతే ఫాస్ట్గా ఉంటుంది మైత్రీ మూవీ మేకర్స్. ఈ నిర్మాణ సంస్థ నుండి టాలీవుడ్లో అడ్వాన్స్ తీసుకోని హీరోలు, టెక్నీషియన్లు తక్కువమంది ఉంటారు. అలా పవన్ కల్యాణ్కి కూడా నిర్మాణ సంస్థ కొన్నేళ్ల క్రితం భారీ మొత్తం అడ్వాన్స్ ఇచ్చేసింది. ఆ మధ్య సినిమా అనౌన్స్ కూడా చేశారు. అయితే ఇప్పుడు ఆ అడ్వాన్స్ వెనక్కి అడుగుతున్నట్లు వార్తలు గుప్పుమంటున్నాయి.
పవన్ కల్యాణ్ – హరీశ్ శంకర్ కాంబినేషన్లో ‘భవదీయుడు భగత్ సింగ్’ అనే సినిమాను మైత్రీ మూవీ మేకర్స్ అనౌన్స్ చేసింది. కొన్ని నెలల క్రితం సినిమా ఫస్ట్ లుక్ను కూడా రిలీజ్ చేశారు. ఆ తర్వాత పవన్ – హరీశ్ కొన్నిసార్లు కలసి సినిమా గురించి చర్చించి ఓకే చేసుకున్నారు. నిర్మాతలు కూడా పవన్ను పలుమార్లు కలసి త్వరలో సినిమా మొదలు అని అనుకున్నారు, అదే విషయం ప్రేక్షకులకు చెప్పారు కూడా. అయితే ప్రస్తుత పరిస్థితుల్లో ఈ సినిమా ముందుకెళ్లడం కష్టం అనే మాట వినిపిస్తోంది.
పవన్ కల్యాణ్ బిజీ షెడ్యూల్, పొలిటికల్ కెరీర్, ఆరోగ్య సమస్యలు.. తదితర కారణాల వల్ల ముందుగా అనుకున్న సినిమాలను చేసే పరిస్థితి లేదు అంటున్నారు. ఇందులో భాగంగా ‘భవదీయుడు భగత్ సింగ్’ను పక్కన పెట్టేస్తారని గత కొన్ని రోజులుగా వార్తలొస్తున్నాయి. అయితే ఇప్పుడు ఈ సిరీస్లో మరో మాట బయటికొచ్చింది. సినిమా కోసం పవన్ తీసుకున్నారు అంటున్న రూ. 40 కోట్లు – రూ.50 కోట్ల అడ్వాన్స్ వెనక్కి ఇచ్చేయాల్సి ఉంది అంటున్నారు.
ఇప్పటికే అడ్వాన్స్ ఇచ్చి చాలా రోజులు వెయిట్ చేసిన మైత్రీ మూవీ మేకర్స్ టీమ్.. ఇప్పుడు వెనక్కి తీసుకునే పనిలో పడిందట. గతంలో త్రివిక్రమ్ విషయంలోనూ ఇదే జరిగింది. ఓ సినిమా కోసం త్రివిక్రమ్కు అడ్వాన్స్ ఇచ్చిన మైత్రీ టీమ్.. ఆ సినిమా సంగతి ఎంతకీ తేలకపోవడంతో వడ్డీతో సహా త్రివిక్రమ్ నుండి అడ్వాన్స్ తీసుకున్నారని టాక్. ఇప్పుడు పవన్ విషయంలోనూ అదే జరుగుతుంది అని అంటున్నారు. మరి ఇందులో నిజానిజాలేంటో తెలియాలి.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
