పవర్ స్టార్ పవన్ కళ్యాణ్ వచ్చే రెండేళ్లలో నాలుగు చిత్రాలు పూర్తి చేయాలనీ భావిస్తున్నారు. 2019 ఎన్నికల్లో జనసేన పార్టీ బరిలోకి దిగుతుండడం, పవన్ కూడా ఎంఎల్ఏ గా పోటీ చేస్తుండడంతో అప్పటికే సాధ్యమైనన్ని సినిమాలను కంప్లీట్ చేయాలనీ పక్కాగా ప్రణాళిక రచించుకుంటున్నారు. ప్రస్తుతం డాలీ దర్శకత్వంలో కాటమరాయుడు షూటింగ్ లో బిజీగా ఉన్న పవర్ స్టార్, దీని తర్వాత చేయనున్న రెండు ప్రాజక్టులకు పచ్చ జెండా ఊపారు. కాటమరాయుడు చిత్రాన్ని ఫిబ్రవరికి పూర్తిచేసి మాటల మాంత్రికుడు త్రివిక్రమ్ శ్రీనివాస్ మూవీని పట్టాలెక్కించాలని డిసైడ్ అయ్యారు.
ఆ చిత్రం పోస్ట్ ప్రొడక్షన్ వర్క్ కొనసాగుతుండగానే తమిళ దర్శకుడు ఆర్ టీ నేసన్ దర్శకత్వంలో సినిమాను ప్రారంభించనున్నారు. వీటికి రెగ్యులర్ షూటింగ్ డేట్స్ కూడా పవన్ కేటాయించేశారు. తాజాగా డైరక్టర్ కొరటాల శివ దర్శకత్వంలో నటించడానికి ఒకే చెప్పినట్లు తెలిసింది. మెసేజ్ ఓరియెంటెడ్ మూవీలను తెరకెక్కించే ఈ డైరక్టర్ పవన్ కి అద్భుతమైన స్క్రిప్ట్ ని వినిపించారని, అది నచ్చి వెంటనే సినిమా చేస్తానని మాట ఇచ్చినట్లు ఫిలిం నగర్ వాసులు చెబుతున్నారు. సో పవన్ సినిమాలు ఈ ఏడాది రెండు, వచ్చే ఏడాది రెండు రిలీజ్ కావడం సెట్ అయిపోయినట్లే.
Also, do SUBSCRIBE to our YouTube channel to get latest Tollywood updates.
