‘భవదీయుడు భగత్‌సింగ్‌’ సినిమా ఉందా? చాలా రోజులుగా ఈ ప్రశ్న పవన్ కల్యాణ్ అభిమానుల్ని వేధిస్తోంది. ఇదిగో అప్‌డేట్‌, అదిగో అప్‌డేట్‌ అంటూ కొద్ది రోజులు వెయిట్‌ చేయించిన టీమ్‌.. ఆ తర్వాత ఎలాంటి చప్పు చేయలేదు. ఈలోపు పవన్ వేరే సినిమా చేస్తున్నాడు అని వార్తలొచ్చాయి. అదే సమయంలో ఈ సినిమా ఆగిపోయిందనే పుకార్లూ వచ్చాయి. అయితే ఇప్పుడు దీనిపై క్లారిటీ వస్తోంది. కొంతమంది అనుకుంటున్నట్లు ఈ సినిమా ఆగిపోలేదు అంటున్నారు.
దానికి కారణం సుజీత్‌ సినిమా అనౌన్స్ కావడమే అంటున్నారు. సుజీత్‌ – డీవీవీ దానయ్య కాంబినేషన్‌లో పవన్ కల్యాణ్ కొత్త సినిమా అనౌన్స్ అయిన విషయం తెలిసిందే. ఈ సినిమాను త్వరలో ప్రారంభిస్తారని సమాచారం. అయితే ఈ సినిమా మొదలవ్వడంతో ‘వినోదాయ చిత్తాం’ సినిమా రీమేక్‌ లేనట్లే అని ఫిక్స్ అవ్వొచ్చు అంటున్నారు. అలాగే ‘భవదీయుడు భగత్‌ సింగ్‌’ కూడా ఉంటుంది అంటున్నారు. అంతేకాదు త్వరలో ముహూర్తపు షాట్‌ ఉంటుంది అని కూడా చెబుతున్నారు.
‘గబ్బర్‌సింగ్‌’ తర్వాత పవన్ కల్యాణ్ – హరీష్‌ శంకర్‌ కలయికలో మైత్రీ మూవీ మేకర్స్‌ అనౌన్స్ చేసింది. అదే ‘భవదీయుడు భగత్‌ సింగ్‌’. చాలా రోజుల క్రితం అనౌన్స్ అయ్యి.. ఆ తర్వాత ఫస్ట్‌ లుక్‌ కూడా వచ్చేసింది. అయితే సినిమా మాత్రం మొదలవ్వలేదు. పవన్ పొలిటికల్‌ కార్యక్రమాల వల్ల సినిమాలు అవ్వడం లేదు. ‘హరి హర వీరమల్లు’ షూటింగ్‌ చాలా పెండింగ్‌ ఉంది. దీంతో ‘భవదీయుడు భగత్‌ సింగ్‌’ ఉండదు అని వార్తలొచ్చాయి. అడ్వాన్స్‌లు కూడా వెనక్కి ఇచ్చేస్తున్నారు అని అన్నారు.
అయితే వచ్చే వారం ఈ సినిమాకు కొబ్బరి కాయ కొడతారు అంటున్నారు. సంక్రాంతి తర్వాత సినిమా రెగ్యులర్‌ షూటింగ్‌ ఉండొచ్చట. ఈ లోపు పవన్ ‘హరి హర వీరమల్లు’ షూటింగ్‌ క్విక్‌గా పూర్తి చేస్తాడట. 2024 ఎన్నిక‌లలోపు ఈ మూడు సినిమాలు పూర్తి చేయాలని పవన్ అనుకుంటున్నాడట. అన్నీ అనుకున్నట్లుగా జరిగితే పవన్ ఫ్యాన్స్‌ ఫుల్‌ ఖుషీ.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
Home