అత్తారింటికి దారేది సినిమాలో పవన్ కళ్యాణ్ కి రెండు పేర్లు ఉంటాయి. గౌతమ్ నంద, సిద్ధార్ధ. ఈ రెండు పేర్లు లోక శాంతికోరే బుద్ధుడి పేర్లు. ఇప్పుడు త్రివిక్రమ్ దర్శకత్వంలో పవన్ చేస్తున్న సినిమాలో పేరు ఒక్కటే మారుతుంది. క్యారక్టర్ మాత్రం బుద్ధుడిని ఆదర్శంగా తీసుకొని మలిచినట్లు తెలిసింది. పవన్ సాఫ్ట్ వేర్ ఇంజినీర్ గా నటిస్తున్నప్పటికీ అతని మాటల్లో దైవత్వం నిండి ఉంటుందని, ప్రతి సమస్యను శాంతి యుతంగా ఎలా పరిష్కరించాలో చేసి చూపించనున్నట్లు సమాచారం. ఖలేజాలో మహేష్ బాబు ని దేవుడిగా చూపించి కొంత దెబ్బ తిన్నప్పటికీ, ఈ సారి అలాంటి దెబ్బ తినకుండా త్రివిక్రమ్ స్క్రిప్ట్ రాసుకున్నారంట.
ఇక సినిమా విషయానికి వస్తే.. పవన్, త్రివిక్రమ్ కాంబినేషన్లో వస్తున్న మూడో మూవీ ప్రస్తుతం రామోజీ ఫిలిం సిటీలో వేసిన భారీ సెట్ లో చిత్రీకరణ జరుపుకుంటోంది. హీరో పవన్, హీరోయిన్లు అను ఇమ్మానియేల్ , కీర్తి సురేష్ లపై కొన్ని సరదా సన్నివేశాలను షూట్ చేస్తున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ చిత్రాన్ని దసరా సెలవులకి థియేటర్లోకి తీసుకెళ్లేలా చిత్ర బృందం ఎండలను లెక్క చేయకుండా పనిచేస్తోంది.
Also, do SUBSCRIBE to our YouTube channel to get latest Tollywood updates.
