Pawan Kalyan: పవర్ స్టార్ కి డైరెక్టర్ దొరుకుతాడా..?

September 6, 2021 / 01:52 PM ISTByFilmy Focus

Join Us

Pawan Kalyan: పవర్ స్టార్ కి డైరెక్టర్ దొరుకుతాడా..?

పవర్ స్టార్ పవన్ కళ్యాణ్ రీఎంట్రీలో వరుస సినిమాలు చేస్తోన్న సంగతి తెలిసిందే. ప్రస్తుతం ఆయన చేతిలో నాలుగు సినిమాలు ఉన్నాయి. ఇవన్నీ ఇలా ఉండగానే పవర్ స్టార్ మరో సబ్జెక్ట్ కోసం ఎదురుచూస్తున్నారని తెలుస్తోంది. ‘భీమ్లా నాయక్’ సినిమా పూర్తి కాగానే క్రిష్ దర్శకత్వంలో ‘హరిహర వీరమల్లు’ సినిమాను పూర్తి చేయనున్నారు. ఆ తరువాత హరీష్ శంకర్ దర్శకత్వంలో సినిమా మొదలుపెట్టాలి. కానీ దానికి మూడు నెలలు గ్యాప్ ఇచ్చి.. ఈలోగా మరో సినిమా చేసే ఆలోచనలు సాగుతున్నాయని సమాచారం.

అయితే అలా మూడు నెలల్లో ఫినిష్ చేయగల కథ ఇప్పుడు కావాలి. ‘వకీల్ సాబ్’, ‘భీమ్లా నాయక్’ మాదిరిగా అది కూడా రీమేక్ అయినా ఓకే అని తెలుస్తోంది. అయితే ఈ సినిమాకి చూస్తారా..? లేక దానిని నిర్మాత రామ్ తాళ్లూరికి అప్పగిస్తారా..? అనేది తెలియదు. రామ్ తాళ్లూరి ప్రాజెక్ట్ ను త్వరగా పూర్తి చేయాలని పవన్ భావిస్తున్నట్లు సమాచారం. నిజానికి ఆ ప్రాజెక్ట్ ను సురేందర్ రెడ్డి డైరెక్ట్ చేయాల్సివుంది.

అయితే ఆయన బిజీగా ఉండడం వలన మరో డైరెక్టర్ తో సినిమా చేసే ఛాన్స్ ఉంది. దీనికి రామ్ తాళ్లూరి ఒప్పుకుంటారా..? లేక కొత్త ప్రొడ్యూసర్ తో సినిమా చేస్తారా..? అనేది తెలియాల్సివుంది!