Pawan Kalyan, Allu Arjun: బన్నీకి ఇదే మంచి ఛాన్స్ అంటున్న ఫ్యాన్స్!

ఈ ఏడాది రిలీజవుతున్న భారీ బడ్జెట్ సినిమాలలో పుష్ప సినిమా ఒకటనే సంగతి తెలిసిందే. సుకుమార్ డైరెక్షన్ లో రంగస్థలం తరువాత తెరకెక్కుతున్న ఈ సినిమా కోసం బన్నీ ఫ్యాన్స్ కళ్లు కాయలు కాచేలా ఎదురుచూస్తున్నారు. ఇప్పటికే రిలీజైన పాటలు పుష్ప మూవీపై అంచనాలు పెంచాయి. త్వరలో ఈ సినిమా ప్రీ రిలీజ్ ఈవెంట్ జరగనుండగా పుష్ప ప్రీ రిలీజ్ ఈవెంట్ కు ప్రభాస్ గెస్ట్ గా హాజరు కానున్నాడని వార్తలు వచ్చాయి.

ఆ తర్వాత ప్రభాస్ బాలీవుడ్ లో రాధేశ్యామ్ ప్రమోషన్స్ తో బిజీ కానున్న నేపథ్యంలో పుష్ప ఈవెంట్ కు రాలేనని చెప్పారని ప్రచారం జరిగింది. ప్రస్తుతం ఈ ఈవెంట్ కు గెస్ట్ గా చిరంజీవి పేరు వినిపిస్తోంది. అయితే బన్నీ ఫ్యాన్స్ లో కొంతమంది మాత్రం పవన్ పుష్ప సినిమా ప్రీ రిలీజ్ ఈవెంట్ కు గెస్ట్ గా రావాలని కోరుకుంటున్నారు. పాన్ ఇండియా హీరోగా గుర్తింపు తెచ్చుకోవాలని భావిస్తున్న బన్నీ అందరివాడు అనిపించుకోవాలని భావిస్తున్నారు.

గతంలో అల్లు అర్జున్ చెప్పను బ్రదర్ అని కామెంట్లు చేయడంతో పవన్, బన్నీ ఫ్యాన్స్ మధ్య కోల్డ్ వార్ జరుగుతోందని కామెంట్లు వినిపించాయి. బన్నీ, పవన్ కలిసి కనిపించినా వీళ్లిద్దరి మధ్య చిన్నచిన్న అభిప్రాయ భేదాలు ఉన్నాయని వార్తలు వచ్చాయి. బన్నీ ఆహ్వానిస్తే పవన్ ఈ ఈవెంట్ కు కచ్చితంగా హాజరవుతారు. అదే సమయంలో బన్నీ, పవన్ మధ్య ఎలాంటి అభిప్రాయ బేధాలు లేవని క్లారిటీ ఇచ్చినట్టు అవుతుంది. పుష్ప ఈవెంట్ కు పవన్ వస్తే సినిమాకు కూడా భారీస్థాయిలో ప్రమోషన్ దక్కుతుంది. ఈ మంచి అవకాశాన్ని బన్నీ సద్వినియోగం చేసుకుంటాడో లేదో చూడాల్సి ఉంది.

అఖండ సినిమా రివ్యూ & రేటింగ్!

Most Recommended Video

సిరివెన్నెల సీతారామశాస్త్రి గారి గురించి మనకు తెలియని విషయాలు..!
ప్రిన్స్ టు రవి.. ‘బిగ్ బాస్’ లో జరిగిన 10 షాకింగ్ ఎలిమినేషన్స్..!
చిరు, కమల్ మాత్రమే కాదు పొలిటికల్ ఎంట్రీ ఇచ్చి ప్లాపైన స్టార్స్ లిస్ట్ ఇంకా ఉంది..!