జల్సా, అత్తారింటికి దారేది వంటి సూపర్ హిట్స్ ఇచ్చిన డైరక్టర్ త్రివిక్రమ్ తో పవన్ కళ్యాణ్ మూడో సినిమా షూటింగ్ మొదలయింది. సోమవారం మొదటి షాట్ ని పవన్, అను ఇమ్మానియేల్‌ పై చిత్రీకరించారు. “దేవుడే దిగి వచ్చినా..” అనే టైటిల్ అనుకుంటున్న ఈ చిత్రంలో పవన్ సాఫ్ట్ వేర్ ఇంజినీర్ గా నటిస్తున్న సంగతి తెలిసిందే. అతనికి జంటగా ఇందులోనూ ఇద్దరు హీరోయిన్లు ఉన్నారు. ప్రధాన హీరోయిన్ గా కీర్తి సురేష్‌ నటిస్తోంది.
ఈ రోజు షూటింగ్ లో ఆమె కూడా జాయిన్ అయింది. వీరి ముగ్గురు కాఫీ షాపులో సరదాగా మాట్లాడుకునే సన్నివేశాన్ని మరింత సరదాగా మాటల మాంత్రికుడు తెరకెక్కించారు. రామోజీ ఫిలిం సిటీలో వేసిన అందమైన సెట్స్ లో ఈ షెడ్యూల్ నిర్విరామంగా నెలరోజులపాటు సాగుతుందని చిత్ర బృందం వెల్లడించింది. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీలో ఖుష్బూ కీలక పాత్రలో కనిపించనున్నారు.
Also, do SUBSCRIBE to our YouTube channel to get latest Tollywood updates.
