మెగాస్టార్ చిరంజీవి తమ్ముడిగా పవన్ కళ్యాణ్ చిత్ర సీమలోకి అడుగు పెట్టి సొంత పేరుని సంపాదించుకున్నారు. అక్కడ అమ్మాయి ఇక్కడ అబ్బాయి సినిమా నుంచి మొదలెట్టిన విజయ పరంపర ఖుషి వరకు కొనసాగింది. వరుసగా ఏడు హిట్లు సాధించడం తెలుగు చిత్ర సీమలో పవన్ కళ్యాణ్ ఒక్కరికే సాధ్యమయింది. ఆ రికార్డ్ ని నేచురల్ స్టార్ నాని బీట్ చేశారు. ఎటువంటి బ్యాగ్రౌండ్ లేకుండా హీరోగా పరిచయమై, స్వశక్తితో ఇమేజ్ ని సొంతం చేసుకున్నారు. కెరీర్ మొదట్లో కథల ఎంపికలో పొరపాటు చేసి అపజయాలను చవిచూసిన యువ హీరో గత మూడేళ్ళుగా హిట్ బాటలో పయనిస్తున్నారు.
ఎవడే సుబ్రహ్మణ్యం నుంచి నిన్ను కోరి వరకు అతను చేసిన ఏడు సినిమాలు హిట్ అయ్యాయి. ఇక గెస్ట్ రోల్ చేసిన జ్యో అచ్చుతానంద కూడా విజయం సాధించడంతో వరుసగా 8 హిట్స్ తో పవన్ ని మించి పోయారు. ప్రస్తుతం నాని దిల్ రాజు నిర్మాణంలో MCA మిడిల్ క్లాస్ అబ్బాయి సినిమా చేస్తున్నారు. తర్వాత యువ దర్శకుడు మేర్లపాక గాంధీ డైరక్షన్లో కృష్ణార్జున యుద్ధం చేస్తున్నారు. ఈ రెండూ హిట్ అయితే నాని రికార్డ్ ని బీట్ చేయడం ఎవరికైనా చాలా కష్టం అవుతుంది.
Also, do SUBSCRIBE to our YouTube channel to get latest Tollywood updates.
