‘మోసగాళ్ల’తో ఇటీవల ప్రేక్షకుల మందుకొచ్చారు మంచు విష్ణు. ఆ తర్వాత ఇక ‘ఢీ అంటే ఢీ’ మొదలుపెడతారు అని ఫ్యాన్స్‌ వెయిట్ చేస్తున్నారు. ‘ఢీ’ స్టైల్‌ వినోదం కోసం ప్రేక్షకులు, అభిమానులు వెయిట్ చేస్తుంటే, ఆ స్థాయి విజయం కోసం విష్ణు వెయిట్ చేస్తున్నారు. కానీ విష్ణు ప్లాన్స్‌ వేరేగా ఉన్నాయి. కొత్త సినిమాను విష్ణు సరికొత్తగా ప్రకటించారాయన. ‘గాలి నాగేశ్వరరావు’ అంటూ ఓ మాస్‌ మసాలా సినిమా చేయబోతున్నట్లు చెప్పారు.
ఇషాన్‌ సూర్య అనే కొత్త దర్శకుడి డైరక్షన్‌లో ఈ సినిమా ఉంటుందని కూడా చెప్పుకొచ్చారు. తాజాగా ఈ సినిమాలో కథానాయిక ఎవరు అనేది కూడా తేలిపోయింది. ‘ఆర్‌ ఎక్స్‌ 100’తో టాలీవుడ్‌కి పరిచయమై… ఆ తర్వాత సరైన పాత్ర పడక ఇబ్బంది పడుతున్న పాయల్‌ రాజ్‌పుత్ ఈ సినిమాలో కథానాయికగా నటిస్తోంది. ఈ విషయాన్ని ఆమె సోషల్‌ మీడియా వేదికగా వెల్లడించింది. ఈ సినిమాలో స్వాతి అనే పాత్రలో నటిస్తున్నాను అని పేర్కొంది పాయల్‌.
ప్రముఖ రచయిత కోన వెంకట్‌ ‘గాలి నాగేశ్వరరావు’ సినిమాకు కథ, స్క్రీన్‌ప్లే సమకూరుస్తున్నారు. దాంతోపాటు క్రియేటివ్‌ ప్రొడ్యూసర్‌గా కూడా వ్యవహరిస్తున్నారు. ఈ చిత్రానికి అనూప్‌ రూబెన్స్‌ సంగీతమందిస్తున్నారు. ఇక భాను, నందు సంయుక్తంగా మాటలు రాస్తున్నారు. ఛోటా కె.నాయుడు సినిమాటోగ్రఫీ బాధ్యతలు చూస్తున్నారు. ఈ సినిమాకు సంబంధించి అంతకుమించి సమాచారం ఏమీ బయటకు రాలేదు. ‘గాలి నాగేశ్వరరావు’లో విష్ణు పూర్తి మాస్‌ గెటప్‌లో కనిపించనున్నాడు అని విష్ణు సోషల్‌ పోస్ట్‌ చూస్తేనే అర్థమైపోతుంది.
మెడలో ఎర్రటి రుమాలు, పూల పూల చొక్కా, చిరిగిన జీన్స్‌తో ఉన్న ఓ చిన్న అవతార్‌ను విష్ణు సోషల్‌ మీడియాలో పోస్ట్‌ చేశాడు. అందులో విష్ణు మంచు యాజ్ గాలి నాగేశ్వరరావు అని రాసుకొచ్చారు. సినిమా పేరు ఇదే అని చెప్పకపోయినా… అదే అవుతుంది అని సినిమా వర్గాలు చెబుతున్నాయి. ఆ ఫొటోలో విష్ణు ఫుడ్‌ ముందు నిల్చున్నట్లుగా ఉంది. అంటే కేటరింగ్‌ నేపథ్యమైనా కావొచ్చు, లేదంటే గాలి నాగేశ్వరారవు ఫుడ్డీ అయినా అయి ఉండాలి.
Most Recommended Video
S
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
