పాయల్ మనసు దేవరకొండపై పడిందట

హాట్ హీరోయిన్ గా బ్రాండ్ ఇమేజ్ తెచ్చుకున్న పాయల్ రాజ్ పుత్ అరంగేట్రమే ఓ సంచలనం. తెలుగులో ఆమె మొదటి చిత్రం ఆర్ ఎక్స్ 100 బ్లాక్ బస్టర్ హిట్ అందుకుంది. దర్శకుడు అజయ్ భూపతికి ఏది మొదటి చిత్రం కాగా ఇందులో హీరోగా చేసిన కార్తికేయకు రెండో చిత్రం. బోల్డ్ కంటెంట్ తో ఎమోషనల్ ఎంటర్టైనర్ గా వచ్చిన ఆర్ ఎక్స్ 100 కుర్రకారుకి పిచ్చగా నచ్చేసింది. పాయల్ గ్లామర్ మరియు యాక్టింగ్ తో ఆకట్టుకుంది.

నెగెటివ్ షేడ్స్ తో కూడిన పాత్రలో వేరియేషన్స్ చూపిస్తూ పాయల్ నటన అద్భుతం అనిపించింది. ఆ సినిమా సూపర్ హిట్ అందుకున్నా పాయల్ ది నెగెటివ్ రోల్ కావడం వలనో ఏమో అనుకున్నంతగా అవకాశాలు రాలేదు. గత ఏడాది ఆమె ప్రధాన పాత్రలో ఆర్ డి ఎక్స్ లవ్ మూవీ విడుదల కాగా అది నిరాశ పరిచింది. ఐతే వెంకటేష్, నాగ చైతన్య ల మల్టీస్టారర్ వెంకీ మామలో సెకండ్ హీరోయిన్ గా చేసి హిట్ అందుకొంది.

తాజాగా విడుదలైన డిస్కో రాజా కూడా అపజయం పాలు కావడంతో పాయల్ కి టాలీవుడ్ లో అవకాశాలు తగ్గిపోయాయి. కాగా ఈ అమ్మడు సోషల్ మీడియా వేదికగా ఫ్యాన్స్ తో చాట్ చేశారు. ఈ చాట్ లో ఓ ఫ్యాన్ టాలీవుడ్ లో ఏ హీరో పక్కన నటించాలని కోరుకుంటున్నారని అడుగగా ఆమె విజయ్ దేవరకొండ పేరు చెప్పారు. టాలీవుడ్ స్టార్ హీరోలందరినీ కాదని విజయ్ దేవరకొండపై మనసు పండింది పాయల్. మరి ఆమె కోరికను విజయ్ గమనించి అవకాశం ఇస్తే లక్కీ ఛాన్స్ కొట్టినట్లే.

Most Recommended Video

తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!