రజనీకాంత్ – కార్తీక్ సుబ్బరాజు కాంబినేషన్లో వస్తున్న తాజా చిత్రం ‘పేట’. ‘సన్ పిక్చర్స్’ పతాకం పై కళానిధి మారన్ నిర్మించిన ఈ చిత్రంలో సిమ్రాన్ .. త్రిష హీరోయిన్లుగా నటించారు. ఇక ఈ చిత్రాన్ని తమిళ .. తెలుగు భాషల్లో సంక్రాంతి కానుకగా విడుదల చేయబోతున్నారు. తెలుగులో జనవరి 10న విడుదల చేస్తుండగా… తమిళ్ లో జనవరి 11 న విడుదల చేస్తుండడం విశేషం. తాజాగా ఈచిత్ర తమిళ్ ట్రైలర్ ను విడుదల చేసింది చిత్ర యూనిట్. రజనీ .. సిమ్రాన్ .. త్రిష .. నవాజుద్దీన్ సిద్ధిఖీ .. విజయ్ సేతుపతి .. బాబీ సింహా .. ఇలా ప్రధాన పాత్రలన్నింటినీ కవర్ చేస్తూ ఈ ట్రైలర్ ను కట్ చేయడం విశేషం.
యాక్షన్ .. కామెడీ ప్రధానంగా సాగే సన్నివేశాలపై కట్ చేసిన ఈ ట్రైలర్ కచ్చితంగా అందరినీ ఆకట్టుకునేలా వుంది అనడంలో సందేహం లేదు. ఇక ‘పేట’ ట్రైలర్ లో.. తెలుగులో నితిన్ తో ‘లై’ ‘చల్ మోహన్ రంగ’ వంటి చిత్రాలలో నటించిన మేఘ ఆకాష్ కూడా మెరిసింది. ఇక ఈ ట్రైలర్లో రజనీ మరింత యంగ్ గా .. మరింత స్టైల్ గా ఈ కనిపిస్తున్నాడు. ఈ ట్రైలర్ చివరిలో వచ్చే మాస్ లుక్ తో .. మాస్ బీట్ కి ఆయన వేసిన స్టెప్పులు చూస్తే థియేటర్లో ఫ్యాన్స్ కు పూనకాలు రావడం ఖాయమని చెప్పొచ్చు. రజనీ సినిమాలో అభిమానులు ఆశించే అన్ని అంశాలు ఈ చిత్రంలో పుష్కలంగా ఉండబోతున్నాయని ఈ ట్రైలర్ చూస్తే అర్ధమవుతుంది. ఇక ఈ చిత్రం కోసం అటు తమిళ రజిని అభిమానులతో పాటు.. తెలుగు రజినీ అభిమానులు కూడా ఎంతో ఆసక్తితో ఎదురుచూస్తున్నారు
