ప్రతి డైరెక్టర్ కు కొన్ని సెంటిమెంట్లు కచ్చితంగా ఉంటాయి. ఆ సెంటిమెంట్ ఫాలో అయిన సినిమాలు హిట్ అయితే తరువాత సినిమాల్లో కూడా అదే సెంటిమెంట్ ను ఫాలో కావడానికి దర్శకులు ఆసక్తి చూపుతుంటారు. డేరింగ్ అండ్ డాషింగ్ డైరెక్టర్ పూరీ జగన్నాథ్ సైతం తన తరువాత సినిమా కోసం ఒక సెంటిమెంట్ ను ఫాలో అవుతున్నారని తెలుస్తోంది. ప్రస్తుతం పూరీ జగన్నాథ్ విజయ్ దేవరకొండతో లైగర్ సినిమాను తెరకెక్కిస్తున్నారు.
పూరీ జగన్నాథ్ డైరెక్షన్ లో తెరకెక్కుతున్న తొలి పాన్ ఇండియా సినిమా లైగర్ కావడం గమనార్హం. ఇస్మార్ట్ శంకర్ సినిమా సక్సెస్ తో జోరుమీదున్న పూరీ జగన్నాథ్ విజయ్ దేవరకొండతో బ్లాక్ బస్టర్ హిట్ సినిమాను తెరకెక్కిస్తానని భావిస్తున్నారు. విజయ్ దేవరకొండకు జోడీగా అనన్య పాండే ఈ సినిమాలో నటిస్తుండగా ఈ సినిమాలో బీచ్ సాంగ్ ఉంటుందని తెలుస్తోంది. పూరీ జగన్నాథ్ సినిమాల్లోని బీచ్ సాంగ్స్ ప్రేక్షకులను తెగ ఆకట్టుకున్నాయి.
పోకిరి, చిరుత, బిజినెస్ మేన్, ఇడియట్, సూపర్, గోలీమార్, ఇస్మార్ట్ శంకర్ సినిమాల్లోని బీచ్ సాంగ్స్ ఆ సినిమాల సక్సెస్ లో కీలక పాత్ర పోషించాయి. లైగర్ మూవీలో హీరోహీరోయిన్లపై పూరీ జగన్నాథ్ బీచ్ సాంగ్ ను ప్లాన్ చేసినట్టు తెలుస్తోంది. మాల్దీవుల్లో ఈ పాట షూటింగ్ జరగనుందని కరోనా కేసులు తగ్గిన తర్వాత ఈ పాటను షూట్ చేయాలని పూరీ జగన్నాథ్ భావిస్తున్నారని సమాచారం. భారీ బడ్జెట్ తో తెరకెక్కుతున్న లైగర్ ఈ ఏడాది సెప్టెంబర్ 9వ తేదీన రిలీజ్ కావాల్సి ఉండగా ఈ సినిమా ఆరోజు రిలీజయ్యే పరిస్థితులు కనిపించడం లేదు. పోకిరి సెంటిమెంట్ ను ఫాలో అవుతున్న లైగర్ ఎలాంటి రిజల్ట్ ను అందుకుంటుందో చూడాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home