Allu Arjun: అల్లు అర్జున్‌ – బోయపాటి సినిమా కథానేపథ్యం అదేనా? చేస్తే రిపీట్‌!

‘పుష్ప 2’ సినిమా తర్వాత అల్లు అర్జున్‌ ఏ సినిమా చేస్తాడు?… ఈ ప్రశ్న చాలా రోజుల నుండి టాలీవుడ్‌లో వినిపిస్తోంది. అయితే మొన్నీమధ్య బన్నీ నేషనల్‌ బెస్ట్‌ యాక్టర్‌ అయిన తర్వాత ఇప్పుడు ఆ ప్రశ్న పాన్‌ ఇండియా లెవల్‌లోకి వెళ్లిపోయింది. ఎందుకంటే నేషనల్‌ బెస్ట్‌ యాక్టర్‌ నెక్స్ట్‌ మూవీ ఏంటి అనే చర్చ ఉండటం సహజం. ఎలాంటి సినిమాతో వస్తాడు, ఏ కథ చెబుతాడు, డైరక్టర్‌ ఎవరు, బ్యానర్‌ ఏంటి, తెలుగులోనే చేస్తాడా, పాన్‌ ఇండియా సినిమా తెస్తాడా? అనే ప్రశ్నలు వస్తున్నాయి.

వీటికి అల్లు అర్జున్‌ (Allu Arjun) వర్గాల నుండి వస్తున్న సమాచారం అయితే… ఇద్దరు దర్శకులు సిద్ధంగా ఉన్నారు. అందులో ఒకరిని బన్నీ ఓకే చేయాలి. ఒకరు మాస్‌ సినిమాల స్పెషలిస్ట్‌ బోయపాటి శ్రీను అయితే, మరొకరు కోలీవుడ్‌ స్టార్‌ డైరక్టర్‌ అట్లీ. ఈ విషయంలో ఇంకా క్లారిటీ రాలేదు కానీ.. బోయపాటి శ్రీను సినిమా కథ నేపథ్యం ఇదేనంటూ ఓ పుకారు సోషల్‌ మీడియాలో షికార్లు చేస్తోంది. టాలీవుడ్‌ వర్గాలు కూడా ఇంచుమించు ఇదే మాట అంటున్నాయి.

‘సరైనోడు’ సినిమాతో ఇప్పటికే ఓసారి వచ్చారు బన్నీ, బోయపాటి. ఇప్పుడు మరోసారి అంతకుమించిన మాస్‌ కథతో ముందుకొస్తారని టాక్‌ వినిపిస్తోంది. దీని కోసం ఏపీలో మోస్ట్ డిస్కస్డ్‌ టాపిక్‌ అయిన పోలవరం ప్రాజెక్ట్‌ను తీసుకుంటున్నారని సమాచారం. పవర్ ఫుల్ యాక్షన్ – ఎమోషనల్ డ్రామాగా రూపొందనున్న ఈ సినిమాలో పోలవరం ప్రాజెక్ట్‌, ఆ ప్రాంత సమస్యలు, పరిస్థితుల్ని చూపించే ప్రయత్నం చేస్తారట.

ఒకవేళ ఇదే నిజమై బన్నీ ఈ కథతో సినిమా చేస్తే పోలవరం నేపథ్యంలో బన్నీ చేస్తున్న రెండో సినిమా ఇది అవుతుంది. గతంలో ‘బన్నీ’ పేరుతో అల్లు అర్జున్‌తో వీవీ వినాయక్‌ సినిమా తీశారు. ఆ సినిమా నేపథ్యం కూడా పోలవరం ప్రాజెక్టే. అన్నట్లు ఆ సినిమా మంచి విజయం అందుకుంది. మరి ఇప్పుడు బోయపాటి ఏం చేస్తారో చూడాలి.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!