PS2: ‘పొన్నియిన్‌ సెల్వన్‌ 2’ రిలీజ్‌పై లేటెస్ట్‌ రూమర్స్‌!

మణిరత్నం మ్యాజిక్‌ మిస్‌ అవుతోందబ్బా.. ‘పొన్నియిన్‌ సెల్వన్‌ 1’ ముందు వరకు ఆయన సినిమాల గురించి మాట్లాడితే వినిపించే మాటే ఇది. ఆయన మ్యాజిక్‌ అంటే ఏమీ లేదు. ఎవరూ ఊహించని అంశం, ఎవరికీ అంతుపట్టని లాజిక్‌ లాంటివి ఏవీ ఆయన తీసుకోరు. కానీ ఆయన సినిమా మిగిలిన సినిమాలకు డిఫరెంట్‌ అని మాత్రం చెప్పొచ్చు. ‘పొన్నియిన్‌ సెల్వన్‌ 1’తో ఆ మ్యాజిక్‌ చేసి చూపించారు. దీంతో ఆ సినిమా రెండో పార్టు ఎప్పుడు అనే చర్చ జోరుగా నడుస్తోంది. దీనికి కాస్త క్లారిటీ ఇప్పుడిప్పుడే వస్తోంది.

మణిరత్నం కలల చిత్రంగా సెప్టెంబర్‌ 30న విడుదలైన ‘పొన్నియిన్‌ సెల్వన్‌’ మొదటి భాగానికి దేశవ్యాప్తంగా మంచి స్పందన వచ్చింది. అయితే తమిళనాట వసూళ్ల సునామీ సృష్టించిందీ సినిమా. అక్కడ సినిమా కమర్షియల్‌గా సూపర్ సక్సెస్‌. ఈ సినిమా రెండు భాగాలుగా ఉంటుందని చిత్రబృందం ముందుగానే చెప్పేసింది. దీంతో రెండో భాగం ఎప్పుడొస్తుందా అని అంతా ఎదురుచూస్తున్నారు. ఈ నేపథ్యంలో ఈ సినిమా పార్ట్‌ 2 గురించి తమిళ మీడియాలో వార్తలు వస్తున్నాయి.

ఈ చిత్రాన్ని వేసవి కానుకగా విడుదల చేయాలని అనుకుంటున్నారని టాక్‌ నడుస్తోంది. అంటే ఏప్రిల్‌ 28, 2023 ‘పొన్నియిన్‌ సెల్వన్‌ 2’ సినిమాను ప్రేక్షకుల ముందుకు తీసుకురానున్నారని వార్తలొస్తున్నాయి. త్వరలోనే మరిన్ని వివరాలతో సినిమా విడుదల తేదీని ఘనంగా ప్రకటిస్తారట. వచ్చే ఏడాది ఫిబ్రవరిలో ‘పొన్నియిన్‌ సెల్వన్‌ 2’ సినిమాకు కు సంబంధించిన పాటలు, ప్రొమోలు విడుదల ప్రారంభిస్తారని టాక్‌ నడుస్తోంది. ఇక ఈ సినిమా సంగతి చూస్తే..

ప్రముఖ రచయిత కల్కి రాసిన ‘పొన్నియిన్‌ సెల్వన్‌’ అనే నవల ఆధారంగా ఈ సినిమా రూపొందింది. చోళరాజ్యం నేపథ్యంలో సాగే ఈ చిత్రానికి ఏఆర్‌ రెహమాన్‌ సంగీత దర్శకుడు. లైకా ప్రొడక్షన్స్‌, మద్రాస్‌ టాకీస్‌ నిర్మించాయి. తొలి పార్టు చూసినవారు కచ్చితంగా రెండో పార్టు చూస్తారు అని టీమ్‌ నమ్ముతోంది. అలాగే రెండో పార్టు రిలీజ్‌కి ఓ వారం ముందు తొలి పార్టు మళ్లీ రిలీజ్‌ చేస్తారనే ప్రచారమూ సాగుతోంది.

ఊర్వశివో రాక్షశివో సినిమా రివ్యూ & రేటింగ్!

Most Recommended Video

లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!