ప్రస్తుతం టాలీవుడ్ స్టార్ హీరోయిన్ గా దూసుకుపోతుంది పూజా హెగ్దే. ఇప్పటికే దాదాపు స్టార్ హీరోలందరితోనూ నటించేసింది ఈ బ్యూటీ. ప్రస్తుతం అల్లు అర్జున్ హీరోగా వస్తున్న ‘అల వైకుంఠపురములో’ చిత్రంతో పాటు ప్రభాస్ 20 వ చిత్రమైన ‘జాన్’ (వర్కింగ్ టైటిల్) లో కూడా హీరోయిన్ గా నటిస్తుంది ఈ బ్యూటీ. ఇదిలా ఉండగా ‘బాహుబలి’ తో ప్రభాస్ పాన్ ఇండియా స్టార్ గా ఎదిగిన సంగతి తెలిసిందే. అంతేకాదు ఇంటర్నేషనల్ వైడ్ కూడా ఈయనకి ఫ్యాన్ ఫాలోయింగ్ ఏర్పడింది.
ఇక ఈయన గురించి తాజాగా పూజా హెగ్దే చేసిన కామెంట్స్ ప్రస్తుతం వైరల్ అవుతున్నాయి. పూజా మాట్లాడుతూ.. ‘ఇటీవల అమెరికా వెళ్ళినప్పుడు.. అక్కడి జనాలు నాతో మాట్లాడ్డానికి వచ్చారు. ఇండియా నుండీ వచ్చానని వారికి చెప్పగా.. ‘నువ్వు ప్రభాస్ ల్యాండ్ నుండీ వచ్చావా’ అంతో ఎంతో ఎక్సైట్ మెంట్ తో అడిగారు. వాళ్ళు అలా అనగానే నేను షాకయ్యాను. నేను ప్రభాస్ సినిమాలో నటిస్తున్నానని తెలిసి వాళ్ళు ఆశ్చర్యపోయారు. ప్రభాస్ నిజమైన ఇంటర్నేషనల్ స్టార్ అని చెప్పడానికి ఇది బెస్ట్ ఎగ్జామ్పుల్. నేను చూసిన వ్యక్తుల్లో చాలా మంచి వ్యక్తి ప్రభాస్. ఎప్పుడు కూల్‌గా ఉంటాడు. అందుకే ‘బాహుబలి’ లాంటి పెద్ద సినిమా.. ప్రభాస్ లాంటి మంచి వ్యక్తికే దక్కిందని నాకెప్పుడూ అనిపిస్తుంటుంది’ అంటూ పూజ చెప్పుకొచ్చింది.
“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!
