బంపర్ ఆఫర్లు .. కొట్టేస్తున్న పూజా హెగ్దే..!

ప్రస్తుతం టాలీవుడ్ లో స్టార్ హీరోయిన్ గా మారిపోయింది పూజా హెగ్దే. ఈ మధ్యే ‘మహర్షి’ చిత్రంతో హిట్టందుకుంది. ఇప్పుడు బన్నీ, త్రివిక్రమ్ కాంబినేషన్లో రూపొందుతున్న చిత్రంలో హీరోయిన్ గా నటిస్తుంది. దీంతో పాటు వరుణ్ తేజ్ ‘వాల్మీకి’ చిత్రంలో కూడా నటిస్తుంది.. అంతేకాదు అఖిల్ ,బొమ్మరిల్లు భాస్కర్ కాంబినేషన్ లో తెరకెక్కుతున్న చిత్రంలో కూడా పూజాకు అవకాశం దక్కే ఛాన్స్ ఉందట. ఇదిలా ఉంటే.. బాలీవుడ్ లో కూడా ఆమెకు భారీ అవకాశాలు దక్కుతున్నాయని సమాచారం.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

బాలీవుడ్ క్రేజీ హీరో.. వరుణ్ ధావన్ హీరోగా నటిస్తున్న “కూలీ నెంబర్ వన్” చిత్రంలోనూ… అలాగే సైఫ్ అలీ ఖాన్,టబు ప్రధాన పాత్రలలో తెరకెక్కుతున్న “జవానీ జానెమన్” చిత్రంలో కూడా పూజా హెగ్దేనే హీరోయిన్ గా నటిస్తుందట. గతంలో కూడా హృతిక్ హీరోగా వచ్చిన “మొహంజదారో” అనే భారీ బడ్జెట్ చిత్రంలో హీరోయిన్ గా నటించింది పూజా…. అయితే ఆ చిత్రం భారీ డిజాస్టర్ కావడంతో.బాలీవుడ్ లో అవకాశాలు దక్కలేదు. దీంతో మళ్ళీ టాలీవుడ్ కు తిరిగొచ్చి సినిమాలు చేసింది. ఇప్పుడు మళ్ళీ బాలీవుడ్ నుండీ పిలుపొచ్చింది. మరి ఈ సారైనా అక్కడ బిజీ అవుతుందేమో చూడాలి..!