టాలీవుడ్‌లో ఒకప్పుడు స్టార్ హీరోయిన్‌గా దూసుకెళ్లిన పూజా హెగ్డే గత కొన్నేళ్లుగా బిజీ ప్రాజెక్ట్స్ లో కనిపించకపోవడం గమనార్హం. మహేష్ బాబు (Mahesh Babu) , అల్లు అర్జున్ (Allu Arjun), ప్రభాస్ (Prabhas) వంటి టాప్ హీరోలతో నటించిన పూజా, ప్రస్తుతం టాలీవుడ్‌లో ఆఫర్ల కొరతతో ఇబ్బంది పడుతోంది. ఆమె గత చిత్రాలు బాక్సాఫీస్ వద్ద నిరాశపరిచిన కారణంగా, కొత్త ప్రాజెక్ట్స్ కుదరడం కష్టమైందనే టాక్ ఇండస్ట్రీలో వినిపిస్తోంది. బాలీవుడ్‌లో కూడా ప్రయత్నించినా, పెద్ద విజయాలను సాధించలేకపోయింది.
ఇలాంటి సమయంలో కోలీవుడ్ నుంచి పూజా హెగ్డేకు మంచి క్రేజ్ ఉన్న ప్రాజెక్టులలో ఆఫర్లు రావడం ఆసక్తికరం. ప్రస్తుతం ఆమె రెండు తమిళ సినిమాల్లో నటిస్తుండగా, వాటిలో ఒకటి సూర్య (Suriya) హీరోగా, కార్తీక్ సుబ్బరాజ్ (Karthik Subbaraj) దర్శకత్వంలో రూపొందుతోంది. ఈ ప్రాజెక్ట్‌పై పూజా చాలా నమ్మకంగా ఉంది. తన పాత్ర కథలో కీలకంగా ఉంటుందని, లవ్ స్టోరీతో పాటు యాక్షన్ ఎలిమెంట్స్ కూడా ఆకట్టుకుంటాయని చెప్పింది.
కోలీవుడ్ నుంచి వస్తోన్న ఈ ఆఫర్ల ద్వారా కెరీర్ మళ్లీ ట్రాక్‌లోకి వస్తుందని ఆశని కలిగిస్తున్నాయి. పూజా ప్రస్తుతం నటిస్తున్న సూర్య సినిమాతో పాటు మరో స్టార్ హీరో సినిమాకు సైన్ చేయడం విశేషం. ఆమె తన పర్ఫార్మెన్స్ ద్వారా మరోసారి ఇండస్ట్రీలో తన స్థానాన్ని నిలబెట్టుకుంటుందనే నమ్మకం వ్యక్తమవుతోంది. ఇదిలా ఉంటే, సూర్యకి ఇటీవల విడుదలైన కంగువా సినిమా ఆశించిన స్థాయిలో ఫలితం అందించలేకపోయింది.
అయితే కార్తీక్ సుబ్బరాజ్, వెట్రిమారన్ (Vetrimaaran) వంటి క్రియేటివ్ డైరెక్టర్లతో సూర్య చేస్తున్న సినిమాలు విజయవంతం అవుతాయని ప్రేక్షకులూ భావిస్తున్నారు. ఇక సక్సెస్ అయితే పూజా హెగ్డే ఈ ప్రాజెక్ట్ ద్వారా మళ్లీ తన స్టార్ హోదాను తిరిగి పొందే అవకాశం కూడా ఉంటుంది. సోషల్ మీడియాలో పూజా హెగ్డే-సూర్య కాంబినేషన్‌పై పాజిటివ్ రెస్పాన్స్ ఉండటం, ఈ సినిమాకు మంచి హైప్ కలిగిస్తోంది. మరి ఈ కాంబో బాక్సాఫీస్ వద్ద ఎలాంటి ఫలితాన్ని అందుకుంటుందో చూడాలి.
Home