మహేష్ సినిమాలో నటించడంపై స్పందించిన పూజా హెగ్డే

సూపర్ స్టార్ మహేష్ బాబు ప్రస్తుతం మురుగదాస్ డైరెక్షన్లో  ‘స్పైడర్’ సినిమా చేస్తున్నారు. రెండు పాటలు మినహా షూటింగ్ మొత్తం పూర్తి అయింది. వెంటనే మహేష్ నెక్ట్ సినిమా షూటింగ్ లోకి అడుగుపెట్టనున్నారు. కొరటాల శివ దర్శకత్వం వహించనున్న ఈ మూవీకి భరత్ అను నేను అనే టైటిల్ ఫిక్స్ చేశారు. ఇది మహేష్ కెరీర్లో 24 వ సినిమా. దీని తర్వాతి సినిమాని కూడా ఎప్పుడో గ్రీన్ సిగ్నల్ ఇచ్చారు. వంశీ పైడిపల్లితో మహేష్ 25వ సినిమాను చేయనున్నారు. దీనిని ప్రముఖ నిర్మాతలు దిల్ రాజు, అశ్వినిదత్ లు సంయుక్తంగా నిర్మించనున్నారు. మహేష్ కెరీర్లో ల్యాండ్ మార్క్ మూవీ కానున్న ఈ ప్రాజక్ట్ కి ప్రీ ప్రొడక్షన్ పనులు జోరుగా సాగుతున్నాయి. ఆర్టిస్టుల, టెక్నీషియన్ల సెలక్షన్ చేస్తున్నారు. హీరోయిన్ గా పూజ హెగ్డేను పరిశీలిస్తున్నారు.

ఒక లైలాకోసం చిత్రంతో తెలుగులో అడుగుపెట్టిన ఈ బ్యూటీ ముకుందతో మంచి మార్కులు కొట్టేసింది. బాలీవుడ్ లో కెళ్లి అపజయంతో టాలీవుడ్ కి తిరిగి వచ్చిన ఈ బ్యూటీ అల్లు అర్జున్ సరసన ‘దువ్వాడ జగన్నాథం’ సినిమాలో నటించింది. ఇందులో ఆమె నటన, స్టెప్పులు, అందాలు అందరినీ మెస్మరైజ్ చేస్తున్నాయి. ఆమెను మహేష్ 25 లో తీసుకున్నారని వార్తలు చక్కర్లు కొట్టాయి. ఇదే విషయాన్నీ పూజా హెగ్డే ముందు ఉంచగా ఇప్పుడే ఈ ప్రాజెక్టుపై తాను ఎలాంటి కామెంట్ చేయలేనంటూ షాక్ ఇచ్చింది. ఆమె సమాధానం చూస్తుంటే ఇంకా సంప్రదింపుల స్థాయిలోనే ఉందని, సైన్ చేయలేదని అర్ధమవుతోంది.

Also, do SUBSCRIBE to our YouTube channel to get latest Tollywood updates.