కోలీవుడ్‌ ముద్దుగుమ్మగా కెరీర్‌ ప్రారంభించింది.. తెలుగులో రెండు సినిమాలు చేసి.. ఆ తర్వాత బాలీవుడ్‌కి వెళ్లిపోయింది.. తర్వాత మళ్లీ టాలీవుడ్‌ వచ్చి గోల్డెన్‌ లెగ్‌ అనిపించుకుంది. ఈ మధ్య విజయాలు తక్కువయ్యాయి కానీ… ఈ అమ్మడి స్వింగ్‌ మామూలుగా లేదు. ఇప్పటికే అర్థమైపోయుంటుంది ఎవరి గురించి చెబుతున్నామో. ఆఁ! అవును బుట్టబొమ్మ పూజా హెగ్డే గురించే. ఇన్నాళ్లూ గ్లామర్‌ పాత్రలు చేసిన పూజ ఇప్పుడు యాక్షన్‌ సీన్స్‌ చేస్తానంటోంది. పూరి జగన్నాథ్‌ – విజయ్‌ దేవరకొండ కాంబినేషన్‌లో ఇటీవల మొదలైన చిత్రం ‘జేజీఎం’.
ఈ సినిమాలో బాలీవుడ్‌ నాయిక నటిస్తుంది అంటూ వార్తలు, పుకార్లు షికార్లు కొట్టాయి. కానీ అవన్నీ గుమ్మం వరకు వచ్చి ఆగిపోయాయి. ఫైనల్‌గా పూజా హెగ్డేనే నాయికగా ఎంపికైంది. అయితే ఇందులో ఆమె సగటు పూజా హెగ్డే పాత్రల్లా కాకుండా యాక్షన్‌ సీన్స్‌కి ప్రాధాన్యమున్న పాత్రలో కనిపించబోతోందట. దీని కోసం ఆమె యుద్ధ విద్యల్లో శిక్షణ కూడా తీసుకోనుందట. పూజా హెగ్డే ఫిజిక్‌ చాలా ఏళ్లుగా అలానే ఉంది. అంతలా ఫిట్‌గా ఉంచుకుంటుంది బాడీని.
ఆమె మంచి యాక్షన్‌ సినిమా చేస్తే బాగుంటుంది అని చాలామంది అనుకున్నారు కూడా. కారణం ఆమె హైటే. యాక్షన్‌ హీరోయిన్‌కి కావాల్సిన అన్ని ఫిజిక్‌ క్వాలిటీస్‌ ఉన్నాయి. ఇన్నాళ్లకు పూరి జగన్నాథ్‌ ఆమెలోని ‘యాక్షన్‌’ను బయటకు తీసుకొస్తున్నారట. ‘జేజీఎం’ కథా నేపథ్యంలో తెలుసు కాబట్టి ఈ పుకారుని నమ్మొచ్చు. పూజా హెగ్డే పాత్ర కోసం థాయ్‌లాండ్‌ నుండి వచ్చిన ఓ బృందం నేతృత్వంలో యుద్ధకళల్లో శిక్షణ తీసుకోనుందట.
శిక్షణ పూర్తయిన వెంటనే ముంబయిలోనే ఆరంభం కానున్న ‘జనగణమన’ తొలి షెడ్యూల్‌ చిత్రీకరణలో పాల్గొంటుందట పూజ. అయితే ఆ శిక్షణ ఏంటి, ఆమె ఎలాంటి యాక్షన్‌ సీక్వెన్స్‌ చేస్తుంది అనేది ఆసక్తికరంగా మారింది. గతంలో కొంతమంది హీరోయిన్లు ఇలానే నేను ఫైట్స్‌ చేశా అని చెప్పడం, థియేటర్లలో చూస్తే అలా ఎగిరి, ఇలా దూకేయడం లాంటివి చేశారు. మరిప్పుడు పూజతో పూరి ఏం చేయిస్తారో.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home