ఇప్పుడు వరుసగా పెద్ద హీరోల సరసన నటిస్తూ బిజీగా గడుపుతుంది పూజా హెగ్దే. ఇప్పటికే మహేష్ బాబు, ఎన్టీఆర్, అల్లు అర్జున్, వంటి హీరోల సరసన నటించిన పూజా.. ఇప్పుడు పాన్ ఇండియా స్టార్.. ప్రభాస్ సరసన కూడా నటిస్తుంది. అంతేకాదు మన అక్కినేని అందగాడు అయిన అఖిల్ తో కూడా ఓ సినిమా చేయడానికి రెడీ అయ్యింది. బొమ్మరిల్లు భాస్కర్ డైరెక్షన్లో తెరకెక్కుతోన్న ఈ చిత్రంలో పూజా హెగ్దే ఓ పెద్ద సాహసం చేస్తుందని తాజా సమాచారం.
సాహసం అంటే.. ‘స్కై డైవింగ్’ లు లాంటివి కాదు. ఈ చిత్రంలో పూజా ఓ స్టాండప్ కమెడియన్ గా కనిపించబోతుందట. ఇప్పుడిప్పుడే తెలుగు ప్రేక్షకులకి దగ్గరవుతున్న స్టాండప్ కామెడీ గురించి.. హీరోయిన్ పూజా కు అస్సలు అవగాహన లేదంట. దీంతో యూట్యూబ్ లో కొన్ని వీడియోలు చూసి ప్రాక్టీస్ చేయడం మొదలుపెట్టిందట. అయినా పర్ఫెక్షన్ లేదని ఏకంగా ట్రైనర్ ను కూడా పెట్టుకుందని తెలుస్తుంది. ఇది నిజంగా ఓ సాహసమే అని పూజా ఇటీవల ఓ సందర్భంలో చెప్పుకొచ్చింది. మరి ఈ చిత్రంలో ఆమె పాత్ర ఎలా ఉండబోతుందో చూడాలి.
దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!
